പിണറായി വിജയന്‍ ‘മാനസിക രോഗി’; മുഖ്യമന്ത്രിക്ക് ശബരിമല ശാസ്താവിന്റെ ശാപം ഏറ്റിട്ടുണ്ട്; കെ.റെയില്‍ വിഷയത്തില്‍ ആഞ്ഞടിച്ച്‌ പി സി ജോര്‍ജ്ജ്

സ്വന്തം ലേഖകൻ

തൊടുപുഴ: കെ.റെയില്‍ വിഷയത്തില്‍ മുഖ്യമന്ത്രി പിണറായി വിജയനെതിരെ ആഞ്ഞടിച്ച്‌ പി. സി ജോര്‍ജ്ജ്.

പിണറായി വിജയന്‍ മനോരോഗിയാണെന്നായിരുന്നു പിസി ജോര്‍ജിന്റെ പരാമര്‍ശം.
തൊടുപുഴയില്‍ നടന്ന കെ.റെയില്‍ വിരുദ്ധ സെമിനാറില്‍ സംസാരിക്കുകയായിരുന്നു അദ്ദേഹം.

കെ.റെയില്‍ പദ്ധതിക്ക് വേണ്ട മണ്ണും കല്ലും പിണറായി വിജയന്‍ എവിടുന്നു കൊണ്ടുവരും. ഇപ്പോഴേ കടത്തില്‍ മുങ്ങിയ കേരള ജനതയുടെ മുകളിലേക്കാണ് ഒട്ടും അനുയോജ്യമല്ലാത്ത കെ റെയില്‍ കൊണ്ടുവരുന്നത്.

ശബരിമലയെ നശിപ്പിക്കാന്‍ ശ്രമിച്ച പിണറായി വിജയന് ശബരിമല ശാസ്താവിന്റെ ശാപം ഏറ്റിട്ടുണ്ട്. ശബരിമല ശാസ്താവിന്റെ ശാപം ഉള്ളത് കൊണ്ടാണ് പിണറായി ഇങ്ങനെ ഒക്കെ ചെയ്യുന്നതെന്നും അദ്ദേഹം പറഞ്ഞു.