കോട്ടയം വാഴൂരിൽ കടയില്‍ സാധനം വാങ്ങാന്‍ എത്തിയവരെ എസ്.ഐ ചൂരൽ കൊണ്ട് മര്‍ദിച്ചതായി പരാതി

സ്വന്തം ലേഖിക

വാഴൂര്‍: കടയില്‍ സാധനം വാങ്ങാന്‍ എത്തിയവരെ എസ്.ഐ ചൂരൽ കൊണ്ട് മര്‍ദിച്ചതായി പരാതി.

വാഴൂര്‍ പേഴുത്തുങ്കല്‍ തകിടിയില്‍ ഇന്നലെ രാത്രി ഏഴിനാണ് സംഭവം.

പൊലീസ് വാഹനത്തില്‍ എത്തിയ പളളിക്കത്തോട് എസ്.ഐ വണ്ടി നിര്‍ത്തിയ ഉടന്‍ ചൂരല്‍ ഉപയോഗിച്ച്‌ അവിടെ നിന്നവരെ അടിക്കുകയായിരുന്നുവെന്നാണ് പരാതി.

എസ്.ഐക്കെതിരെ നടപടി സ്വീകരിക്കണമെന്ന് സി.പി.എം വാഴൂര്‍ ലോക്കല്‍ കമ്മിറ്റി ആവശ്യപ്പെട്ടു.