സ്വന്തം ലേഖകൻ
കോട്ടയം: മിനി സിവിൽ സ്റ്റേഷനിൽ പ്രവർത്തിക്കുന്ന എക്സൈസ് സർക്കിൾ ഓഫിസിൽ വിജിലൻസ് റെയ്ഡ്.
ക്രിസ്തുമസിനോടനുബന്ധിച്ച് ബാറുടമകളിൽ നിന്ന് എക്സൈസ് സർക്കിൾ ഇൻസ്പെക്ടർ വ്യാപകമായി പണപ്പിരിവ് നടത്തുന്നുവെന്ന രഹസ്യവിവരത്തിന്റെ അടിസ്ഥാനത്തിലായിരുന്നു റെയ്ഡ്.
ഓഫിസുകളിൽ വിജിലൻസ് റെയ്ഡ് ഉണ്ടാകുമെന്ന് അറിയാവുന്ന ഉദ്യോഗസ്ഥർ ബാറുകളിൽ പോയി നേരിട്ട് പണപ്പിരിവ് നടത്തിയെന്നാണ് റിപ്പോർട്ട്.
Whatsapp Group 1 | Whatsapp Group 2 |Telegram Group
ഏകദേശം രണ്ട് ലക്ഷത്തോളം രൂപയുടെ തിരിമറി നടന്നിട്ടുണ്ടെന്നാണ് സൂചന.
എക്സൈസ് ഓഫിസിൽ നടത്തിയ റെയ്ഡിൽ ക്രമക്കേട് വ്യക്തമായതായും തുടർ നടപടികൾ ഉണ്ടാകുമെന്നും വിജിലൻസ് എസ് പി വി ജി വിനോദ് കുമാർ പറഞ്ഞു.
കോട്ടയം വിജിലൻസ് റേഞ്ച് ഡിവൈഎസ്പി എ കെ വിശ്വനാഥന്റെ നേതൃത്വത്തിൽ ഇൻസ്പെക്ടർ ജയകുമാർ, എസ് ഐമാരായ സ്റ്റാൻലി തോമസ്, സുരേഷ്കുമാർ, ഹാരീസ്, പൊലീസ് ഉദ്യോഗസ്ഥരായ അരുൺ ചന്ദ്, രാജേഷ് ടിപി, സുരേഷ്, ശോഭൻ എന്നിവരടങ്ങിയ സംഘമാണ് റെയ്ഡിൽ പങ്കെടുത്തത്.
