കടലമ്മ കനിഞ്ഞാൽ ചാകര കരയിലുമെത്തും; സാമ്പത്തിക പ്രതിസന്ധിയുടെ കാലത്ത് മത്സ്യത്തൊഴിലാളികൾക്ക് ആശ്വാസം; ചൂര മത്സ്യം കൂട്ടത്തോടെ തീരത്തേക്ക് എത്തുന്നത് ഇതാദ്യം

സ്വന്തം ലേഖകൻ

കവരത്തി: ലക്ഷദ്വീപിൽ വമ്പൻ ചാകര. ബിത്ര ദ്വീപിലാണ് ചൂര മത്സ്യം കൂട്ടത്തോടെ തീരത്തെത്തിയത്.

കണ്ട് നിന്നവരും അറിഞ്ഞു വന്നവർക്കെല്ലാം പോയത് കൈ നിറയെ ചൂരമീനും കൊണ്ട്.

സാമ്പത്തിക പ്രതിസന്ധിയുടെ കാലത്ത് ചൂര മത്സ്യം കൂട്ടത്തോടെ തീരത്ത് എത്തിയത് മത്സ്യത്തൊഴിലാളികൾക്ക് ആശ്വാസമായി.

മത്സ്യത്തൊഴിലാളികൾ തീരത്ത് നിന്ന് മീനിനെ ശേഖരിക്കുന്ന ദൃശ്യങ്ങൾ വ്യാപകമായാണ് പ്രചരിക്കുന്നത്. ഇതാദ്യമായാണ് ഇത്രയുമധികം ചൂര മത്സ്യം തീരത്ത് എത്തിയതെന്ന് മത്സ്യത്തൊഴിലാളികൾ പറയുന്നു.