സ്വന്തം ലേഖകൻ
തിരുവനന്തപുരം: റിസർവേഷൻ കൗണ്ടറുകൾ കുടുംബശ്രീ പ്രവർത്തകരെ ഏൽപിക്കാനുള്ള നീക്കത്തിൽ പ്രതിഷേധിച്ച് സംസ്ഥാനത്തെ വിവിധ ഡിപ്പോകളിൽ കെ.എസ്.ആർ.ടി.സി ജീവനക്കാർ മിന്നൽ പണിമുടക്ക് ആരംഭിച്ചു. തിരുവനന്തപുരം, കോഴിക്കോട്, കോട്ടയം ഡിപ്പോകളിലാണ് ജീവനക്കാരുടെ മിന്നൽ പണിമുടക്ക് നടക്കുന്നത്.
ജീവനക്കാരുടെ പ്രതിഷേധത്തെ തുടർന്ന്കുടുംബശ്രീ അംഗങ്ങൾക്കുള്ള പരിശീലനപരിപാടി തൽക്കാലത്തേക്ക് നിർത്തിവെച്ചു. ഇതേ തുടർന്ന് തിരുവനന്തരപുരത്ത് മിന്നൽ സമരം പിൻവലിച്ചു. ഇവിടെ ബസുകൾ ഓടിതുടങ്ങിയിട്ടുണ്ട്. കോഴിക്കോട് പ്രതിഷേധിച്ചവർക്ക് നേരെ പൊലീസ് നടപടിയുണ്ടായതിനെ തുടർന്നാണ് മിന്നൽ പണിമുടക്ക് പ്രഖ്യാപിച്ചത്.
