പനച്ചിക്കാട്, രാമപുരം, ഈരാറ്റുപേട്ട എന്നിവിടങ്ങളിൽ പുതിയ 3 ക്ലസ്റ്റർ കൂടി; ജില്ലയിൽ കോവിഡ് ക്‌ളസ്റ്ററുകളുടെ എണ്ണം 15ആയി

സ്വന്തം ലേഖകൻ

കോട്ടയം: കോവിഡ് വ്യാപനം രൂക്ഷമായ മൂന്നു മേഖലകള്‍ കൂടി ക്ലസ്റ്ററുകളായി പ്രഖ്യാപിച്ച് കോട്ടയം ജില്ലാ കളക്ടര്‍ എം അഞ്ജന ഉത്തരവിറക്കി.

ഈരാറ്റുപേട്ട മുനിസിപ്പാലിറ്റിയിലെ 17-ാം വാര്‍ഡില്‍ ശാസ്താംകുന്നേല്‍ മേഖല ലാര്‍ജ് കമ്യൂണിറ്റി ക്ലസ്റ്ററായി പ്രഖ്യാപിച്ചു.

പനച്ചിക്കാട് ഗ്രാമപഞ്ചായത്തിലെ അഞ്ചാം വാര്‍ഡില്‍ ചാന്നാനിക്കാട് ഏഷ്യന്‍ പെയിന്റ്‌സ് ഗോഡൗണും രാമപുരം പഞ്ചായത്തിലെ 11-ാം വാര്‍ഡില്‍ എസ്.എച്ച് ഭവന്‍ കോണ്‍വെന്റും ഇന്‍സ്റ്റിറ്റിയൂണല്‍ ക്ലസ്റ്ററുകളായാണ് പ്രഖ്യാപിച്ചിരിക്കുന്നത്.

ഇതോടെ ജില്ലയില്‍ കോവിഡ് ക്ലസ്റ്ററുകളുടെ ആകെ എണ്ണം 15 ആയി.

ഇതോടെ ഈ മേഖലകളിൽ സാധാരണ നിയന്ത്രണങ്ങൾക്ക് പുറമേ കൂടുതൽ നിയന്ത്രണങ്ങൾ ഏർപ്പെടുത്തി.