മുണ്ടക്കയത്ത് വാഹനാപകടത്തിൽ യുവാവ് മരിച്ചു ; മരിച്ചത് പഴയിടം സ്വദേശി : അപകടം സംഭവിച്ചത് ഭാര്യ വീട്ടിൽ പോയി തിരികെ മടങ്ങവെ

സ്വന്തം ലേഖകൻ

മുണ്ടക്കയം: ദേശീയപാതയിൽ ഇരുചക്രവാഹനവും കാറും കൂട്ടിയിടിച്ചുണ്ടായ അപകടത്തിൽ യുവാവ് മരിച്ചു. ഇരുചക്ര വാഹന യാത്രക്കാരനായ പഴയിടം സ്വദേശി മാളിയേക്കൽ തോമസ് (40) ആണ് മരിച്ചത്.

കൊല്ലം-ദിണ്ടിഗൽ ദേശീയപാതയിൽ 31 ആം മൈൽ മുസ്ലിം പള്ളിക്ക് സമീപത്ത് വച്ചായിരുന്നു അപകടം സംഭവിച്ചത്. കുമളിയിൽ ഉള്ള ഭാര്യ വീട്ടിൽ പോയി മടങ്ങി വരികെയാണ് അപകടം ഉണ്ടായത്.

അപകടത്തിനു ശേഷം ഇയാളെ ഹൈറേഞ്ച് ഹോസ്പിറ്റലിൽ എത്തിച്ച കാർ യാത്രക്കാർ കടന്നു കളഞ്ഞു. പിന്നീട് ആംബുലൻസിൽ 26ാം മൈൽ മേരി ക്യൂൻസ് മിഷൻ ഹോസ്പിറ്റലിൽ എത്തിച്ചെങ്കിലും മരണം സംഭവിക്കുകയായിരുന്നു. ഭാര്യ ക്ഷേമ. മക്കൾ നിവിഥ്, ആദം.