ആരുടെയും അന്നം മുടക്കാന്‍ യുഡിഎഫ് ശ്രമിച്ചിട്ടില്ല; വോട്ടിന് വേണ്ടി കിറ്റ് വൈകിപ്പിച്ച നടപടിയെയാണ് എതിര്‍ത്തത്; കിറ്റ് വിവാദത്തില്‍ പ്രതികരണവുമായി കെ.സി വേണുഗോപാല്‍

സ്വന്തം ലേഖകന്‍

തിരുവനന്തപുരം: കിറ്റ് വിതരണം സംബന്ധിച്ചുണ്ടായ വിവാദത്തില്‍ പ്രതികരണവുമായി കെ സി വേണുഗോപാല്‍. ആരുടേയും അന്നം മുടക്കാന്‍ യുഡിഎഫ് ശ്രമിച്ചിട്ടില്ല. വോട്ടിന് വേണ്ടി കിറ്റ് വൈകിപ്പിച്ച നടപടിയെയാണ് എതിര്‍ത്തത്- കെ സി വേണുഗോപാല്‍ പറഞ്ഞു.

ഇരട്ടവോട്ടില്‍ വിവാദം വന്നാല്‍ പിടിച്ചു നില്‍ക്കാനാണ് കോണ്‍ഗ്രസ് നേതാക്കളുടെ പേരും പട്ടികയില്‍ തിരുകി കയറ്റിയത്. ജനാധിപത്യവിരുദ്ധ നടപടിക്കെതിരെ കമ്മീഷന്‍ നടപടിയെടുക്കണം. പോസ്റ്റല്‍ വോട്ടിന്റെ കാര്യത്തിലും വലിയ തട്ടിപ്പാണ് സംസ്ഥാനത്ത് നടക്കുന്നതെന്ന് കെ സി വേണുഗോപാല്‍ ആരോപിച്ചു.

ഐഡി കാര്‍ഡ് പോലും ഇല്ലാത്തവര്‍ക്ക് പോസ്റ്റല്‍ ബാലറ്റ് നല്‍കുന്നു. പേരാവൂരില്‍ ഇത് കയ്യോടെ പിടികൂടിയെന്നും കെ സി വേണുഗോപാല്‍ പറഞ്ഞു.