തിരഞ്ഞെടുപ്പിന് ഒഴുക്കാൻ കള്ളപ്പണമോ ..! കോട്ടയം ടി.ബി റോഡിൽ ഒന്നര ലക്ഷം രൂപ പിടിച്ചെടുത്തു

സ്വന്തം ലേഖകൻ

കോട്ടയം : നിയമസഭാ തിരഞ്ഞെടുപ്പിൽ കള്ളപ്പണം ഒഴുക്കാൻ ശ്രമം തടയാൻ ഉദ്യോഗസ്ഥ സംഘം നടപടി തുടങ്ങി. ജില്ലയിൽ വാഹന പരിശോധന ശക്തമാക്കിയ തിരഞ്ഞെടുപ്പ് വിഭാഗം ഉദ്യോഗസ്ഥരാണ് ഇപ്പോൾ കള്ളപ്പണം പിടിച്ചെടുത്തത്.

നിയമസഭാ തിരഞ്ഞെടുപ്പ് പെരുമാറ്റച്ചട്ടത്തിന്‍റെ ഭാഗമായി നടത്തിയ വാഹനപരിശോധനയിലാണ് പണം പിടിച്ചെടുത്തത്.

കോട്ടയം പൊതുമരാമത്ത് റസ്റ്റ് ഹൗസിനു സമീപം കാറില്‍ മതിയായ രേഖകളില്ലാതെ കൊണ്ടുപോയ 1.50 ലക്ഷം രൂപ പിടിച്ചെടുത്തു. കോട്ടയം നിയോജക മണ്ഡലത്തിലെ സ്റ്റാറ്റിക് സര്‍വൈലന്‍സ് ടീമിന്റെ നേതൃത്വത്തിലാണ് പണം പിടികൂടിയത്.