സ്വന്തം ലേഖകന്
തിരുവനന്തപുരം: സംസ്ഥാനത്ത് മദ്യവില കൂട്ടേണ്ടി വരുമെന്ന് എക്സൈസ് മന്ത്രി ടി പി രാമകൃഷ്ണന്. ഇക്കാര്യത്തില് അന്തിമ തീരുമാനം ബിവറേജസ് കോര്പറേഷന്റേതായിരിക്കും. അസംസ്കൃത വസ്തുക്കളുടെ വില കൂടിയ സാഹചര്യത്തിലാണ് പുതിയ നീക്കമെന്ന് മന്ത്രി തിരുവനന്തപുരത്ത് പറഞ്ഞു.
അടിസ്ഥാന വിലയില് 7 ശതമാനം വര്ധനയാണ് ഇപ്പോള് നിര്ദ്ദേശം വന്നിരിക്കുന്നതെന്നും ടി പി രാമകൃഷ്ണന് കൂട്ടിച്ചേര്ത്തു. മദ്യവിലയുടെ കാര്യത്തില് ബെവ്കോയുടെ തീരുമാനം സര്ക്കാര് ഉടന് അംഗീകരിക്കുമെന്നാണ് സൂചന. ആനുപാതികമായി നികുതിയും കൂടുന്നതോടെ മദ്യത്തിന് ലിറ്ററിന് കുറഞ്ഞത് നൂറു രൂപയെങ്കിലും വില വര്ദ്ധന ഉറപ്പായി.
Whatsapp Group 1 | Whatsapp Group 2 |Telegram Group
മദ്യം ഉത്പാദിപ്പിക്കുന്നതിനുള്ള സ്പിരിറ്റിന്റെ വില കണക്കിലെടുത്താണ് ബിവറേജസ് കോര്പ്പറേഷന് മദ്യം വാങ്ങുന്നതിനുള്ള കരാര് ഉറപ്പിക്കുന്നത്. സ്പിരിറ്റിന് ലിറ്ററിന് 35 രൂപ വിലയുണ്ടായിരുന്നപ്പോള് ഉറപ്പിച്ച ടെണ്ടറനുസരിച്ചാണ് ഇപ്പോഴും ബെവ്കോക്ക് മദ്യം ലഭിക്കുന്നത്. എന്നാല് സ്പിരിറ്റിന് ലിറ്ററിന് 60 രൂപ കടന്നിട്ടും കമ്പനികളില് നിന്ന് വാങ്ങുന്ന മദ്യത്തിന് വില കൂട്ടിയിരുന്നില്ല.
