കോട്ടയം നഗരമധ്യത്തിലുള്ള കെട്ടിടത്തിലെ സെക്യൂരിറ്റി ജീവനക്കാരൻ കോവിഡ് ബാധിച്ച് മരിച്ചു ; മരണം സംഭവിച്ചത് കോട്ടയം മെഡിക്കൽ കോളജിൽ ചികിത്സയിൽ കഴിയുന്നതിനിടയിൽ

തേർഡ് ഐ ബ്യൂറോ

കോട്ടയം : നഗരമധ്യത്തിലെ സെക്യൂരിറ്റി  ജീവനക്കാരൻ കോവിഡ് ബാധിച്ച് മരിച്ചു.  കുറിച്ചി സ്വദേശിയായ തങ്കച്ചൻ ( 64 ) ആണ് മരിച്ചത്.

രണ്ട് ദിവസം മുൻപ് വരെ ഇദ്ദേഹം  ജോലിയ്ക്കായി എത്തിയിരുന്നു.തുടർന്ന് കോവിഡ് ബാധിച്ചതിനെ തുടർന്ന് ഇദ്ദേഹം കോട്ടയം മെഡിക്കൽ കോളജ് ആശുപത്രിയിൽ ചികിത്സയിൽ കഴിയുകയായിരുന്നു. ഇതേ തുടർന്ന് ഇന്ന് പുലർച്ചെയോടെയാണ് മരണം സംഭവിച്ചത്.

കോവിഡ് വ്യാപനത്തിന്റെ പശ്ചാത്തലത്തിൽ കെട്ടിടത്തിലെത്തുന്ന ജനങ്ങളുടെ സുരക്ഷയൊരുക്കുന്നതിനായി വേണ്ട സജ്ജീകരണങ്ങൾ ഒരുക്കിയിരുന്നതും സെക്യൂരിറ്റി ജീവനക്കാരനായിരുന്നു. ഇത് രോഗം നിരവധി പേർക്ക് ബാധിക്കുന്നതിന് ഇടയാക്കിയിട്ടുണ്ടെന്ന ആശങ്കയും നിലവിലുണ്ട്..