നാട്ടകം പാറേച്ചാൽ ബൈപ്പാസിൽ വാഹനാപകടം: നിയന്ത്രണം വിട്ട കാറും ബൈക്കും കൂട്ടിയിടിച്ച് വേളൂർ സ്വദേശി മരിച്ചു

തേർഡ് ഐ ബ്യൂറോ

കോട്ടയം: നാട്ടകം പാറേച്ചാൽ ബൈപ്പാസ് റോഡിൽ നിയന്ത്രണം വിട്ട കാറും ബൈക്കും കൂട്ടിയിടിച്ച് വേളൂർ സ്വദേശി മരിച്ചു. വേളൂർ അറുപതിയിൽ മഹേഷ് (42)ആണ് മരിച്ചത്. കഴിഞ്ഞ ബുധനാഴ്ച രാത്രി എട്ടു മണിയോടെ ബൈപ്പാസ് റോഡിലായിരുന്നു അപകടം.

മഹേഷ് സഞ്ചരിച്ചിരുന്ന ബൈക്കിൽ നിയന്ത്രണം വിട്ട് എത്തിയ കാർ ഇടിക്കുകയായിരുന്നു. ഇടിയുടെ ആഘാതത്തിൽ ബൈക്ക് കാറിന്റെ മുന്നിൽ കുടുങ്ങിയിരുന്നതായി നാട്ടുകാർ പറയുന്നു. ഓടിക്കൂടിയ നാട്ടുകാർ ചേർന്നാണ് റോഡിൽ വീണു കിടന്ന മഹേഷിനെ ആശുപത്രിയിൽ എത്തിച്ചത്. ആദ്യം ജില്ലാ ജനറൽ ആശുപത്രിയിലും പിന്നീട് മെഡിക്കൽ കോളേജ് ആശുപത്രിയിലും മഹേഷിനെ എത്തിച്ചു.

എന്നാൽ, മെഡിക്കൽ കോളേജ് ആശുപത്രിയിൽ എത്തിച്ചപ്പോൾ മുതൽ മഹേഷ് ബോധരഹിതനായിരുന്നു. വെന്റിലേറ്ററിന്റെ സഹായത്തോടെയാണ് ജീവൻ നിലനിർത്തിയിരുന്നത്. എന്നാൽ, വെള്ളിയാഴ്ച രാത്രി വൈകി മരണം സംഭവിക്കുകയായിരുന്നു. സംസ്‌കാരം വെള്ളിയാഴ്ച വൈകിട്ട് നാലിനു നടക്കും. ഭാര്യ ജെസിമോൾ. മക്കൾ – ശിവപ്രിയ, ദേവപ്രിയ. അപകടത്തിൽ കോട്ടയം വെസ്റ്റ് പൊലീസ് കേസെടുത്തു.