തേർഡ് ഐ ക്രൈം
മലപ്പുറം: അച്ഛനും അമ്മയും കാൻസർ ബാധിച്ചു മരിച്ച എട്ടു വയസുകാരിയെ വീടിനുള്ളിൽ വിളിച്ചു കയറ്റി ലൈംഗികമായി പീഡിപ്പിച്ച കേസിൽ കുന്നുംപുറം പാലിയേറ്റീവ് ക്ലിനിക് മുൻ സെക്രട്ടറി റിമാൻഡിൽ. കക്കാടംപുറം ഊക്കത്ത് ആരീക്കൻ സക്കീറിനെയാണ് കോടതി റിമാന്റ് ചെയ്തത്. .
കാൻസർ രോഗികളായിരുന്ന പിതാവും മാതാവും മരണപ്പെട്ട ശേഷം ബാലിക അൽപ്പകാലം സക്കീറിന്റെ വീട്ടിലാണ് താമസിച്ചിരുന്നത്. ഈ കാലയളവിൽ പീഡനത്തിനിരയാക്കി എന്നാണ് പരാതി.
Whatsapp Group 1 | Whatsapp Group 2 |Telegram Group
അന്യ ജില്ലക്കാരായ പിതാവും മാതാവും കാൻസർ രോഗികളായപ്പോൾ പാലിയേറ്റീവ് കെയർ വളണ്ടിയർമാരാണ് രണ്ടുപേരെയും ചികിൽസിച്ചിരുന്നത്. ആദ്യം പിതാവും പിന്നീട് മാതാവും മരണപ്പെട്ട ശേഷം നാട്ടുകാർ യോഗം ചേർന്ന് തീരുമാനമെടുത്തത് പ്രകാരമാണ് ക്ലിനിക്ക് സെക്രട്ടറിയായ സക്കീറിന്റെ വീട്ടിൽ കുട്ടിയെ താമസിപ്പിച്ചിരുന്നത്.
രണ്ടുവർഷമായി അർധ സഹോദരിയുടെ സംരക്ഷണത്തിലാണ് കുട്ടിയുള്ളത്. കഴിഞ്ഞ ജൂണിലാണ് പീഡന വിവരം കുട്ടി സഹോദരിയോട് പറഞ്ഞത്. കേസിലെ മറ്റൊരു പ്രതിയായ പാലിയേറ്റീവ് ക്ലിനിക്കിലെ മുൻ ഡ്രൈവർ മുഹമ്മദ് ഒളിവിലാണുള്ളത്.
