ഓൺ ലൈൻ സൗകര്യമില്ലാതെ വിദ്യാർത്ഥിനിയുടെ മരണം: കെ.എസ്.യു പ്രതിഷേധിച്ചു

സ്വന്തം ലേഖകൻ

കടുത്തുരുത്തി: ഓൺലൈൻ ക്ലാസ്സിൽ പങ്കെടുക്കാൻ പറ്റാത്തതിൽ മനംനൊന്ത് വിദ്യാർത്ഥിനി ആത്മഹത്യചെയ്തതിൽ പ്രതിഷേധിച്ച് കടുത്തുരുത്തി ജില്ലാ വിദ്യാഭ്യാസ ഓഫീസിനുമുമ്പിൽ കെ.എസ്.യു പ്രതിഷേധം.

പാവപ്പെട്ട വിദ്യാർഥികളുടെ കണക്കെടുത്ത് അവർക്ക് ആവശ്യമായ സൗകര്യം അടിയന്തിരമായി ഏർപ്പെടുത്തണം. സർക്കാരിന്റെ ദുർവാശിക്ക് വിദ്യാർഥികളുടെ ജീവൻ ബലികൊടുക്കാനാകില്ല.

വിദ്യാർത്ഥികൾക്ക് ലാപ്ടോപ്പും ടാബ്‌ലെറ്റും വാങ്ങാൻ പാലിശരഹിതവായ്പ ലഭ്യമാക്കണമെന്നും കെ.എസ്.യു ആവശ്യപ്പെട്ടു. കെ.എസ്.യു നേതാക്കളായ ജോർജ് പയസ്, സുബിൻ മാത്യു, സെബാസ്റ്റ്യൻ ജോയ്, അക്ഷയ് പുളിക്കക്കുഴി, ജസ്റ്റിൻ ബാബു കെ എന്നിവർ നേതൃത്വം നൽകി.