ഞായറാഴ്ച ഉച്ചയ്ക്ക് രണ്ടുമണിയോടെയായിരുന്നു സംഭവം. വിവാഹച്ചടങ്ങിൽ പങ്കെടുത്ത ശേഷം തോമസും ഭാര്യയും വീട്ടിലേയ്ക്കു മടങ്ങുന്നതിനിടെയാണ് അപകടമുണ്ടായത്. കാർ ഓടിച്ചിരുന്നത് തോമസായിരുന്നു. ഈ സമയം എം.എം ജേക്കബിന്റെ മരണാനന്തര ചടങ്ങുകളിൽ പങ്കെടുക്കാനായി രാമപുരത്തെ വീട് സന്ദർശിച്ച ശേഷം മടങ്ങിയെത്തുകയായിരുന്നു മുൻ മുഖ്യമന്ത്രി ഉമ്മൻചാണ്ടി.

ഉടൻ തന്നെ ഓടിയെത്തിയ ഉമ്മൻചാണ്ടിയും, ഗൺമാനും ഒപ്പമുണ്ടായിരുന്ന കോൺഗ്രസ് പ്രവർത്തകരും ചേർന്ന് പരിക്കേറ്റവരെ കാറിൽ പാലായിലെ സ്വകാര്യ ആശുപത്രിയിൽ എത്തിച്ചു. തോമസിനു കാലിനും തലയ്ക്കും പരിക്കേറ്റിട്ടുണ്ട്. ഇദ്ദേഹത്തെ പ്രാഥമിക ശുശ്രൂഷ നൽകി. ഭാര്യയ്ക്ക് തലയ്ക്കു സാരമായി പരിക്കേറ്റതായി കണ്ടെത്തിയതിനെ തുടർന്നു കാരിത്താസ് ആശുപത്രിയിൽ സ്‌കാനിംഗിനു വിധേയനാക്കി. എന്നാൽ, വിദഗ്ധ പരിശോധനയിൽ പരിക്ക് ഗുരതരമല്ലെന്നു കണ്ടെത്തിയിട്ടുണ്ട്. തോമസ് ഉറങ്ങിപ്പോയതാണ് അപകടകാരണമെന്നു സംശയിക്കുന്നു.
രാമപുരത്ത് എത്തിയ ശേഷം ആന്ധ്രയിലേയ്ക്കു പോകാനായിരുന്നു ഉമ്മൻചാണ്ടിയുടെ പദ്ധതി. അപകടത്തെ തുടർന്നു വൈകിയതിനാൽ രാത്രി എട്ടരയുടെ വിമാനത്തിൽ നെടുമ്പാശേരിയിൽ നിന്നാണ് അദ്ദേഹം യാത്ര തിരിച്ചത്.