അരളിച്ചെടിയുടെ വിഷം ഹൃദയാഘാതത്തിന് കാരണമായി ; നഴ്സായ സൂര്യയുടെ മരണത്തില് പൊലീസിന്റെ പ്രാഥമിക റിപ്പോര്ട്ട്
സ്വന്തം ലേഖകൻ ആലപ്പുഴ: പള്ളിപ്പാട് നീണ്ടൂര് കൊണ്ടൂരേത്ത് സൂര്യ സുരേന്ദ്രന് (24) വിമാനത്താവളത്തില് കുഴഞ്ഞുവീണ് മരിച്ചത് അരളിച്ചെടിയുടെ വിഷം ഉള്ളില് എത്തിയതാണ് ഹൃദയാഘാതത്തിലേക്കു നയിച്ചതെന്ന് പൊലീസിന്റെ പ്രാഥമിക റിപ്പോര്ട്ട്. നഴ്സായ സൂര്യ വിദേശത്തു ജോലിക്കായി പുറപ്പെടുമ്പോഴായിരുന്നു മരണം. അതേസമയം, ഇവരുടെ വീടിനു പരിസരത്തെ അരളിച്ചെടിയുടെ ഇലയും പൂവും സൂര്യയുടെ രക്തസാംപിളും മൂന്നാഴ്ച മുന്പ് തിരുവനന്തപുരത്തെ ലാബില് വിദഗ്ധ പരിശോധനയ്ക്ക് അയച്ചതിന്റെ ഫലം കിട്ടിയിട്ടില്ല. അതിനു ശേഷമാകും പൊലീസ് അന്തിമ റിപ്പോര്ട്ട് നല്കുക. കഴിഞ്ഞ 28നാണ് സൂര്യ വിമാനത്താവളത്തില് കുഴഞ്ഞു വീണത്. തുടര്ന്ന് ചികിത്സയിലിരിക്കെ മരിച്ചു. […]