17 വയസ്സുകാരിയെ വീട്ടിൽ നിന്നും വിളിച്ചിറക്കി കൊണ്ടുപോയി പീഡിപ്പിച്ച കേസിലെ യുവാവ് അറസ്റ്റിൽ; മൊബൈൽ ഫോൺ കേന്ദ്രീകരിച്ചുള്ള അന്വേഷണത്തിലാണ് പ്രതി പിടിയിലായത്

സ്വന്തം ലേഖകൻ

പത്തനംതിട്ട : 17 വയസ്സുകാരിയെ പീഡിപ്പിച്ച യുവാവ് അറസ്റ്റിൽ ബംഗളൂരിൽ നിന്നാണ് പ്രതിയെ ഇലവുംതിട്ട പോലീസ് പിടികൂടിയത്. മെഴുവേലി ഉള്ളനൂർ മുട്ടയത്തിൽ തെക്കേതിൽ പ്രമോദ് ആണ് അറസ്റ്റിൽ ആയത്.
കഴിഞ്ഞദിവസം ചൊവ്വാഴ്ചയാണ് പെൺകുട്ടിയെ വീട്ടിൽ നിന്നും ഇയാൾ വിളിച്ചുകൊണ്ടുപോയത് തുടർന്നു വീട്ടുകാരുടെ പരാതിയെ തുടർന്ന് അന്ന്തന്നെ ഇലവുംതിട്ട പോലീസ് അന്വേഷണം ആരംഭിച്ചിരുന്നു.

അന്വേഷണത്തിൽ ഇയാളുടെ മൊബൈൽ നമ്പർ പ്രവർത്തനരഹിതമായിരുന്നു തുടർന്ന് സുഹൃത്തുക്കളെ കേന്ദ്രീകരിച്ച് അന്വേഷണം ആരംഭിച്ചു. പിന്നീട് പ്രമോദിന്റെ പുതിയ ഫോൺ നമ്പർ ലഭിച്ചു. തുടർന്ന് യുവാവ് പെൺകുട്ടിക്ക് വാങ്ങി കൊടുത്ത പുതിയ ഫോൺ നമ്പറിനെ കുറിച്ച് സൂചന ലഭിച്ചു ഈ ഫോണിനെ കേന്ദ്രീകരിച്ച് നടത്തിയ നീക്കത്തിലാണ് ഇരുവരും ബംഗളൂരുവിൽ ഉണ്ടെന്ന് വ്യക്തമായത്