സിപിഎം പോളിറ്റ് ബ്യൂറോ യോഗം ഇന്ന് മുതല് ഡല്ഹിയില്. പ്രതിപക്ഷ നേതാവ് ആരെന്നതടക്കം പിബിയില് ആലോചനയുണ്ടായേക്കുമെന്നാണ് സൂചന.
കേരളത്തിലെ തെരഞ്ഞെടുപ്പ് ഫലം യോഗത്തില് വിലയിരുത്തും. ഭരണ വിരുദ്ധ വികാരം കൂടാതെ സംഘടനാ തലത്തിലെ വീഴ്ചകളും തോല്വിക്ക് കാരണമായെന്ന വിലയിരുത്തലുണ്ട്.
അതേസമയം 10 വർഷത്തെ ഭരണത്തിന് ശേഷം പ്രതിപക്ഷ നേതൃസ്ഥാനം ഏറ്റെടുക്കാൻ പിണറായി വിജയൻ പിബിയില് താല്പര്യം അറിയിക്കുമോയെന്നതാണ് അറിയാനുള്ളത്. തെരഞ്ഞെടുപ്പില് കനത്ത തിരിച്ചടി നേരിട്ട ശേഷം ഈ സ്ഥാനം ഏറ്റെടുക്കുമോ എന്ന് വ്യക്തമല്ല.
Whatsapp Group 1 | Whatsapp Group 2 |Telegram Group
പിണറായി താത്പര്യക്കുറവ് അറിയിച്ചാല് മാത്രമേ മറ്റൊരാളെ പരിഗണിക്കൂ. പിണറായി ഇല്ലെങ്കില് കെ.എൻ. ബാലഗോപാലിനെയാവും പ്രതിപക്ഷ നേതാവായി പരിഗണിക്കുക. സിപിഎം കേന്ദ്ര കമ്മിറ്റി അംഗവും ധനകാര്യ മന്ത്രിയുമായിരുന്ന കെ.എൻ. ബാലഗോപാലിനെ പരിഗണിക്കുമോ അതോ ആദ്യത്തെ ഒന്നോ രണ്ടോ വർഷം പിണറായി തന്നെ ആ സ്ഥാനം ഏറ്റെടുത്ത ശേഷം ഒഴിയുമോ എന്നാണ് ഇനി അറിയാനുള്ളത്.
