എറണാകുളം: ചോറ്റാനിക്കരയില് യുവതിയെ കനാലില് മരിച്ച നിലയില് കണ്ടെത്തിയ സംഭവത്തില് ബൈക്ക് ഓടിച്ചിരുന്ന സുഹൃത്തിനെ പോലീസ് അറസ്റ്റ് ചെയ്തു.
പുതിയകാവ് സ്വദേശി വിജില് കുമാറിനെയാണ് അറസ്റ്റ് ചെയ്തത്.
ഇയാള്ക്കെതിരെ മന:പൂർവ്വമായ നരഹത്യയ്ക്കാണ് കേസ് രജിസ്റ്റർ ചെയ്തിരിക്കുന്നത്. കഴിഞ്ഞ ശനിയാഴ്ച്ച രാവിലെയാണ് നെട്ടൂർ സ്വദേശി ഷാനിയെ കനാലില് മരിച്ച നിലയില്
കണ്ടെത്തിയത്. വെള്ളിയാഴ്ച്ച വൈകിട്ട് യുവതിയെ സുഹൃത്തായ യുവതിയുടെ വീട്ടിലാക്കാനായി വരുന്ന വഴി ബൈക്ക് നിയന്ത്രണം വിട്ട് കനാലിലേയ്ക്ക് മറിയുകയായിരുന്നു.
Whatsapp Group 1 | Whatsapp Group 2 |Telegram Group
മദ്യലഹരിയില് അബോധാവസ്ഥയിലായിരുന്നു വിജില് കുമാർ. സംഭവത്തില് അസ്വാഭാവിക മരണത്തിന് ആദ്യം കേസെടുത്തിരുന്നു. കോടതിയില് ഹാജരാക്കിയ പ്രതിയെ റിമാൻ്റ് ചെയ്തു.
ഇയാള്ക്കെതിരെ ഉദയംപേരൂർ പോലീസ് സ്റ്റേഷനില് രണ്ട് ക്രിമിനല് കേസുകള് നിലവിലുണ്ടെന്ന് പോലീസ് പറഞ്ഞു.
