എയര്‍ഗണ്ണില്‍ നിന്ന് വെടിയേറ്റ് യുവാവിന് ദാരൂണാന്ത്യം; സുഹൃത്ത് പിടിയിൽ; സുഹൃത്തിന്റെ കൈയിൽ നിന്നും അബദ്ധത്തിൽ പൊട്ടിയ വെടി യുവാവിന് കൊണ്ടതാണെന്ന് പൊലീസ് നിഗമനം; കൂടെയുണ്ടായിരുന്ന രണ്ടു സുഹൃത്തുക്കള്‍ ഓടി രക്ഷപ്പെട്ടു

സ്വന്തം ലേഖകൻ 

പൊന്നാനി: പെരുമ്പടപ്പില്‍ എയര്‍ഗണില്‍ നിന്ന് വെടിയേറ്റ് യുവാവ് മരിച്ചു. ആമയം സ്വദേശി ഷാഫി (42) ആണ് മരിച്ചത്.
ഞായറാഴ്ച വൈകിട്ടായിരുന്നു സംഭവം.

സുഹൃത്തുക്കള്‍ തമ്മില്‍ സംസാരിക്കുന്നതിനിടെയാണ് വെടിയേറ്റത്. സംഭവത്തില്‍ ഒരാളെ പൊലീസ് കസ്റ്റഡിയിലെടുത്തു. കൂടെയുണ്ടായിരുന്ന രണ്ടു സുഹൃത്തുക്കള്‍ രക്ഷപ്പെട്ടു.

സുഹൃത്തിന്റെ വീട്ടില്‍ ഇരുന്ന് സംസാരിക്കുന്നതിനിടെ എയര്‍ഗണില്‍ നിന്ന് അബദ്ധത്തില്‍ വെടിയേല്‍ക്കുകയായിരുന്നു. ഇടത്തെ നെഞ്ചിനാണ് വെടിയേറ്റത്. വെടിയേറ്റ ഷാഫിയെ ആശുപത്രിയില്‍ എത്തിക്കും മുൻപ് മരിച്ചിരുന്നു.