എതിർ ദിശയിൽ നിന്നും വരുന്ന ബസ് ഇടിക്കാതിരിക്കാൻ ബൈക്ക് വെട്ടിച്ച് മാറ്റുന്നതിനിടെ നിയന്ത്രണം നഷ്ടമായി, ബൈക്ക് മറിഞ്ഞ് യുവാവിന് ദാരുണാന്ത്യം

സ്വന്തം ലേഖകൻ

ഇടുക്കി: നെടുംകണ്ടം തിങ്കൾകാട്ടിൽ ബൈക്ക് അപകടത്തിൽ യുവാവ് മരിച്ചു. നെടുംകണ്ടം മഞ്ഞപെട്ടി കുഴിപ്പിൽ ടോം ആണ് മരിച്ചത്.

എതിർ ദിശയിൽ എത്തിയ സ്വകാര്യ ബസിൽ ഇടിയ്ക്കാതെ വെട്ടിച്ചു മാറ്റുന്നതിനിടെ നിയന്ത്രണം നഷ്ടമായി ബൈക്ക് മറിഞ്ഞ് റോഡിൽ വീഴുകയായിരുന്നു.

ഉടൻ തന്നെ ആശുപത്രിയിൽ എത്തിച്ചെങ്കിലും മരണം സംഭവിച്ചു. എറണാകുളത്തെ സ്വകാര്യ സ്ഥാപനത്തിൽ ജോലി ചെയ്യുന്ന ടോം വീട്ടിൽ എത്തി തിരികെ മടങ്ങുന്നതിനിടെ ആയിരുന്നു അപകടം.