വ്യാജ വാറ്റുമായി യൂത്ത് കോണ്‍ഗ്രസ് പയ്യോളി മണ്ഡലം പ്രസിഡൻ്റ് എക്സൈസ് പിടിയില്‍

കോഴിക്കോട്: വ്യാജ വാറ്റുമായി യൂത്ത് കോണ്‍ഗ്രസ് പയ്യോളി മണ്ഡലം പ്രസിഡന്റ് രഞ്ജിത് ലാലാൽ എക്സൈസ് പിടിയില്‍. ഇന്നലെ രാത്രി കൊയിലാണ്ടി എക്സൈസ് സംഘം നടത്തിയ പരിശോധനയിലാണ് രഞ്ജിത് ലാലും സഹായിയും അറസ്റ്റിലായത്. നിലവില്‍ പ്രതികളെ രണ്ടുപേരേയും റിമാൻഡ് ചെയ്തിട്ടുണ്ട്.

ഇന്നലെ രാത്രി എക്സൈസ് സംഘത്തിന് ലഭിച്ച രഹസ്യവിവരത്തിന്റെ അടിസ്ഥാനത്തിലാണ് പരിശോധന നടത്തിയത്.

പരിശോധനയില്‍ മൂന്നര ലിറ്റർ ചാരായം, 50 ലിറ്റർ വാഷ്, വാറ്റുപകരണങ്ങള്‍ എന്നിവയും എക്സൈസ് പിടിച്ചെടുത്തു. രഞ്ജിത്ത് ലാലിന്റെ സഹായി അഭിലാഷിനേയും എക്സൈസ് പിടികൂടി.