എട്ടാം ക്ലാസുകാരിയെ പീഡിപ്പിച്ചത് മാതൃസഹോദരൻ; പീഡനം പുറത്തറിഞ്ഞത് സ്കൂളിലെ കൗണ്‍സലിംഗില്‍; പ്രതി ഒളിവില്‍

കല്പറ്റ: എട്ടാം ക്ലാസുകാരിയെ മാതൃസഹോദരൻ പീഡിപ്പിച്ചു.

വയനാട് അമ്പലവയലിലാണ് സംഭവം. സ്കൂളില്‍ നടന്ന കൗണ്‍സിംഗിലാണ് പെണ്‍കുട്ടി പീഡനത്തിനിരയായ വിവരം വെളിപ്പെടുത്തിയത്.

കൗണ്‍സലര്‍ ഉടൻതന്നെ ഇക്കാര്യം പ്രധാന അദ്ധ്യാപകനെ അറിയിച്ചു. ഇതിന്റെ അടിസ്ഥാനത്തില്‍ അദ്ധ്യാപകൻ അമ്പലവയല്‍ പൊലീസില്‍ പരാതി നല്‍കുകയായിരുന്നു.

പൊലീസെത്തി പെണ്‍കുട്ടിയുടെ മൊഴി രേഖപ്പെടുത്തി. കുട്ടിയെ വൈദ്യപരിശോധനയ്ക്ക് വിധേയമാക്കി.

സംഭവം പുറത്തറിഞ്ഞതിന് പിന്നാലെ പ്രതി ഒളിവില്‍ പോയിരുന്നു. പ്രതിയ കണ്ടെത്താനുള്ള ശ്രമം ഊര്‍ജിതമാക്കിയതായി പൊലീസ് അറിയിച്ചു.