ബംഗളൂരു: റീൽ ചിത്രീകരിക്കാനായി നദിയിൽ ചാടിയ യുവ ഡോക്ടർക്കായി തിരച്ചിൽ പുരോഗമിക്കുന്നു. അവധി ആഘോഷിക്കാനെത്തിയ ഹൈദരാബാദ് സ്വദേശി ഡോക്ടർ അനന്യ റാവുവാണ് തുംഗഭദ്ര നദിയിൽ മുങ്ങിപ്പോയത്.
അനന്യ ഒഴുക്കിൽ പെട്ടെന്നാണ് സംശയിക്കുന്നത്. വ്യാഴാഴ്ച രാവിലെ അനന്യ നദിയിലേക്കു ചാടുന്ന ദൃശ്യങ്ങൾ സുഹൃത്തുക്കൾ റീൽ ചിത്രീകരിച്ചിരുന്നു. കർണാടകയിലെ കോപ്പാള ജില്ലയിലെ ഗംഗാവതിയിലാണ് സംഭവം.
