അമ്മ പഠിക്കാൻ ആവശ്യപ്പെട്ട് വഴക്ക് പറഞ്ഞു; ടവറില്‍ കയറി ആത്മഹത്യാ ഭീഷണി മുഴക്കി പതിനാലുകാരൻ; പിന്നീട് സംഭവിച്ചത്…!

തിരുവനന്തപുരം: അമ്മ വഴക്ക് പറഞ്ഞതിന്റെ ദേഷ്യത്തില്‍ ടവറില്‍ കയറി ആത്മഹത്യാ ഭീഷണി നടത്തി പതിനാലുകാരൻ.

പോത്തൻകോട് സ്വദേശിയായ വിദ്യാർഥിയാണ് വീടിനടുത്തുള്ള 220KV വൈദ്യുതി ടവറില്‍ കയറി ആത്മഹത്യ ഭീഷണി മുഴക്കി പരിഭ്രാന്തി സൃഷ്ടിച്ചത്.

അമ്മ പഠിക്കാൻ ആവശ്യപ്പെട്ട് വഴക്ക് പറഞ്ഞതിന്റെ ദേഷ്യത്തിലാണ് പതിനാലുകാരൻ ആത്മഹത്യാ ഭീഷണി മുഴക്കിയത്.

വെഞ്ഞാറമൂട് നിന്നുള്ള ഫയർഫോഴ്സ് സംഘവും പോത്തൻകോട് പോലീസും സ്ഥലത്തെത്തി വിദ്യാർത്ഥിയെ താഴെയിറക്കി വീട്ടുകാരോടൊപ്പം വിട്ടയച്ചു.