ജൂണ്‍ ഒന്നിനാണ് ലോക ക്ഷീരദിനം ആചരിക്കുന്നത്. നമ്മുടെ ദൈനംദിനഭക്ഷണത്തില്‍ വളരെ പ്രധാനപ്പെട്ട സ്ഥാനമാണ് പാലിനുള്ളത്. പാലും പാലുത്പ്പന്നങ്ങളും ശരീരത്തിന് ആവശ്യമായ പോഷണം പ്രധാനം ചെയ്യുന്നു.ആഗോള ഭക്ഷണമെന്ന നിലയില്‍ പാലിന്റെ പ്രാധാന്യം മുന്‍നിരയിലേക്ക് എത്തിക്കുവാനും ക്ഷീര കൃഷിയെയും ക്ഷീര വ്യവസായത്തെയും പ്രോത്സാഹിപ്പിക്കുന്നതിനുമാണ് ഈ ദിനം ആഘോഷിക്കുന്നത്.
ഐക്യരാഷ്ട്രസഭയുടെ ഫുഡ് ആന്‍ഡ് അഗ്രികള്‍ച്ചര്‍ ഓര്‍ഗനൈസേഷന്‍ (FAO) 2001 മുതലാണ് ഈ ദിനം ആചരിച്ചുവരുന്നത്. പാലിന്റെയും പാലുത്പന്നങ്ങളുടെയും ഗുണങ്ങള്‍ പ്രോത്സാഹിപ്പിക്കുന്ന പരിപാടികളും ക്യാപയിനുകളും ഈ ദിവസത്തോടനുബന്ധിച്ച് സംഘടിപ്പിക്കാറുമുണ്ട്.
ദശലക്ഷക്കണക്കിന് ആളുകളുടെ ഉപജീവനമാര്‍ഗം കൂടിയാണ് ക്ഷീരമേഖല. ഇതിനൊപ്പം നിരവധി ഉപവ്യവസായങ്ങള്‍ പ്രവര്‍ത്തിക്കുന്നുണ്ട്. ഇത് ക്ഷീരവ്യവസായത്തിന്റെ പ്രാമുഖ്യത്തെയാണ് എടുത്തുകാണിക്കുന്നത്.
Whatsapp Group 1 | Whatsapp Group 2 |Telegram Group
പാൽ കുടിക്കുന്നത് കൊണ്ടുള്ള ആരോഗ്യഗുണങ്ങളെ കുറിച്ചാണ് ഇനി പറയുന്നത്.പാലിൽ ട്രിപ്റ്റോഫാൻ അടങ്ങിയിട്ടുണ്ട്. ഇത് ഉറക്കത്തെ നിയന്ത്രിക്കുന്ന ഹോർമോണായ മെലറ്റോണിന്റെ ഉത്പാദനത്തെ പ്രോത്സാഹിപ്പിക്കുന്ന ഒരു അവശ്യ അമിനോ ആസിഡ് ആണ്. ഇത് ഉറക്കചക്രങ്ങൾ മെച്ചപ്പെടുത്താനും ക്ഷീണം കുറയ്ക്കാനും മാനസികമായും ശാരീരികമായും ഉന്മേഷം നിലനിർത്താനും സഹായിക്കുന്നു.
ഒരു ഗ്ലാസ് തണുത്ത പാൽ കുടിക്കുന്നത് ആമാശയത്തിലെ ആസിഡിനെ നിർവീര്യമാക്കാൻ സഹായിക്കും. ഇത് ആമാശയ പാളിയെ ശമിപ്പിക്കുകയും എരിവുള്ള ഭക്ഷണങ്ങൾക്ക് ശേഷമുള്ള അസ്വസ്ഥത തടയുകയും ചെയ്യുന്നു.
പാലിലും മറ്റ് പാലുൽപ്പന്നങ്ങളിലും കൺജഗേറ്റഡ് ലിനോലെയിക് ആസിഡ് (CLA) അടങ്ങിയിട്ടുണ്ട്. ഇത് ശരീരത്തിലെ കൊഴുപ്പ് കുറയ്ക്കാനും പേശികളുടെ വളർച്ചയെ പിന്തുണയ്ക്കാനും സഹായിക്കുന്ന പ്രകൃതിദത്ത ഫാറ്റി ആസിഡാണ്.
പ്രോട്ടീന്റെ മികച്ച ഉറവിടമാണ് പാൽ. എല്ലുകൾക്ക് ആരോഗ്യം നൽകുന്ന കാത്സ്യവും വിറ്റമിൻ ഡി യും പാലിൽ ധാരാളം ഉണ്ട്. ദിവസവും പാൽ കുടിക്കുന്നതു വഴി എല്ലുകളും സന്ധികളും ബലമുള്ളതാക്കുന്നു.
പാലിൽ പൊട്ടാസ്യം അടങ്ങിയിട്ടുണ്ട്. പാലും പാലുൽപന്നങ്ങളും പതിവായി ഉപയോഗിക്കുന്നത് പക്ഷാഘാതം, ഹൃദയസംബന്ധമായ രോഗങ്ങൾ, രക്താതിമർദം ഇവയ്ക്കുള്ള സാധ്യത കുറയ്ക്കുന്നു.
