അശരണർക്കായ് എന്നും നിലകൊള്ളുന്ന കോട്ടയത്തെ മികച്ച സാമൂഹിക പ്രവർത്തക..! ഹോപ്പ് ഇന്റർനാഷണൽ വേൾഡ് റെക്കോർഡ് നൽകി വരുന്ന women of the Year Award 2023 സാമൂഹിക പ്രവർത്തക സൽകല വാസുദേവിന്

സ്വന്തം ലേഖകൻ

കോട്ടയം : ലോക വനിതാ ദിനത്തിൽ ഹോപ്പ് ഇന്റർനാഷണൽ വേൾഡ് റെക്കോർഡ് നൽകി വരുന്ന women of the Year Award 2023 സാമൂഹിക പ്രവർത്തക സൽകല വാസുദേവിന്.

കോട്ടയത്തിനകത്തും പുറത്തുമായി കേരളത്തിലുടനീളം കഴിഞ്ഞ പതിനഞ്ചോളം വർഷങ്ങളായി നടത്തിവന്ന ജീവകാരുണ്യ പ്രവർത്തന മികവിനെ അംഗീകരിച്ചാണ് അവാർഡ്.മാർച്ച് 8 വനിതാ ദിനത്തിൽ അവാർഡ് കൈമാറും.

കിടപ്പു രോഗികൾക്ക് ആവശ്യമായ മരുന്നുകൾ, വാട്ടർ ബെഡ്, എയർ ബെഡ്, വീൽ ചെയർ, ഓക്സിജൻ സിലിണ്ടർ , ഉൾപ്പെടെ ചികിത്സാസഹായങ്ങൾ സൽകല വാസുദേവിന്റെ നേതൃത്വത്തിൽ എത്തിച്ച് നൽകിയിരുന്നു. മൂന്നോളം കല്യാണങ്ങൾക്കായി സ്വർണ്ണവും പണവും വസ്ത്രങ്ങളും എത്തിച്ചു നൽകി.

എല്ലാ വർഷവും സ്കൂൾ തുറക്കുമ്പോൾ 250 ഓളം കുട്ടികൾക്കായ് ബാഗ്, കുട, വാട്ടർ ബോട്ടിൽ, പേന, പെൻസിൽ ബുക്ക്സ് ആവശ്യമായ വസ്തുക്കൾ നൽകിവരുന്നു. ഓണാഘോഷത്തിന്റെ ഭാഗമായി ഓട്ടിസം വാദിതർക്ക് ഭക്ഷ്യധാന്യ കിറ്റുകൾ നൽകി വരുന്നു.

കിഡ്നി മാറ്റിവയ്ക്കാൻ പണമില്ലാത്ത രോഗികൾക്കായ് തെരുവിൽ ഗാനമേള നടത്തി ഫണ്ട് കൈമാറി. എല്ലാ വിശേഷദിനങ്ങളിലും ഞായറാഴ്ചകളിലും കോട്ടയം ജില്ലാ ഹോസ്പിറ്റലിലും റോഡരികിലും അഭയ കേന്ദ്രങ്ങളിലും ഭക്ഷണ വിതരണം നടത്തുന്നതോടൊപ്പം ആശുപത്രികളിലെ ആരുമില്ലാത്ത വസ്ത്രങ്ങളും മറ്റും എത്തിച്ചു നൽകും.

അശരണർക്കായ് എന്നും നിലകൊള്ളുന്ന കോട്ടയത്തെ മികച്ച സോഷ്യൽ വർക്കറുടെ പ്രവർത്തനത്തിന് ലഭിച്ച അംഗീകാരം കൂടിയാണ് ഈ അവാർഡ്.