രണ്ടു ദിവസമായി കാണാതായ യുവതിയെ കിണറ്റിൽ മരിച്ചനിലയിൽ കണ്ടെത്തി; ഭർത്താവ് ഒളിവിൽ

കൽപറ്റ: പൊഴുതനയിൽ യുവതിയെ കിണറ്റിൽ മരിച്ചനിലയിൽ കണ്ടെത്തി.

പൊഴുതന ഇടിയ വയലിലെ മീനയാണ് മരിച്ചത്. 42 വയസ്സായിരുന്നു.

സംഭവത്തിന് ശേഷം ഇവരുടെ ഭർത്താവ് ഒളിവിലാണ്. രണ്ടു ദിവസമായി മീനയെ കാണാനില്ലെന്ന് മകൻ പറഞ്ഞു.

ഇന്നു രാവിലെയാണ് കിണറ്റിൽ മൃതദേഹം കണ്ടെത്തിയത്. മകൻതന്നെയാണ് മൃതദേഹം ആദ്യം കണ്ടത്.

ഭർത്താവിന്റെ മദ്യപാനത്തെ തുടർന്ന് വീട്ടിൽ വഴക്ക് ഉണ്ടായിരുന്നുവെന്ന് നാട്ടുകാർ പറഞ്ഞു. സംഭവത്തിൽ വൈത്തിരി പോലീസ് കേസെടുത്ത് അന്വേഷണം ആരംഭിച്ചു.