കൊക്കയാറിൽ കാട്ടുപന്നിയുടെ ആക്രമണത്തിൽ വീട്ടമ്മയ്ക്ക് പരിക്കേറ്റു; വനത്തിൽ കാട് തെളിക്കുന്നതിനിടെയാണ് അ‌പകടം

മുണ്ടക്കയം: കൊക്കയാർ കുറ്റിപ്ലാങ്ങാട് ആനന്ദഭവനിൽ പൊന്നമ്മ ഭാസ്കരൻ (63)ന് കാട്ടുപന്നിയുടെ അക്രമത്തിൽ പരിക്കേറ്റു.

കുറ്റിപ്ലാങ്ങാട് വനത്തിൽ കാടുതെളിക്കൽ ജോലിക്കിടെയാണ് അപകടമുണ്ടായത്. കാലിന് പരിക്കുണ്ട്. ഇവരെ കാഞ്ഞിരപ്പള്ളിയിലെ സ്വകാര്യാശുപത്രിയിൽ പ്രവേശിപ്പിച്ചു.

കൊക്കയാർ -വെംബ്ലി റോഡ്, കുറ്റിപ്ലാങ്ങാട് ഭാഗം, വെംബ്ലി – ഏന്തയാർ റോഡ് എന്നിവിടങ്ങളിലെ ജനവാസ കേന്ദ്രങ്ങളിൽ കാട്ടുപന്നി ശല്യം രൂക്ഷമാണ്.