“പരാതി നല്‍കാനോ, കീഴടങ്ങാനോ അല്ല സാറേ…! കൊമ്പുകുലുക്കി ചിഹ്നം വിളിച്ച്‌ ഒറ്റയാൻ; നാട്ടിലാകെ പരാക്രമം കാട്ടിയ ഒറ്റയാൻ പരാക്രമങ്ങള്‍ക്കൊടുവില്‍ പൊലീസ് സ്റ്റേഷനിൽ; കുടുങ്ങി പൊലീസുകാർ
പാലക്കാട്: സാധാരണ ഗതിയില്‍ പരാതി നല്‍കാനുള്ളവരാണ് പൊലീസ് സ്റ്റേഷനില്‍ എത്താറുള്ളത്.
കള്ളന്മാരെയും പൊലീസ് പിടികൂടി സ്റ്റേഷനിലെത്തിക്കാറുണ്ട്. എന്നാല്‍ പാലാക്കാട് നിന്നും പുറത്തുവന്ന വാ‍ര്‍ത്ത നാട്ടിലാകെ പരാക്രമം കാട്ടിയ ഒറ്റയാൻ പരാക്രമങ്ങള്‍ക്കൊടുവില്‍ പൊലീസ് സ്റ്റേഷനിലെത്തിയെന്നതാണ്.
ആലങ്കാരികമായി പറഞ്ഞാല്‍ പരാതി നല്‍കാനോ, കീഴടങ്ങാനോ ആയിരുന്നില്ല ഈ കാട്ടാന പാലക്കാടെ പറമ്പിക്കുളം പൊലീസ് സ്റ്റേഷനില്‍ എത്തിയത്. നാട്ടിലെ പരാക്രമത്തിന്‍റെ ബാക്കി കാട്ടാനായിരുന്നു ഈ കാട്ടാന പറമ്ബിക്കുളം പൊലീസ് സ്റ്റേഷനിലും എത്തിയത്.
Whatsapp Group 1 | Whatsapp Group 2 |Telegram Group
പാലക്കാട് പറമ്പിക്കുളം പൊലീസ് സ്റ്റേഷനിലെത്തിയ ഒറ്റയാൻ മണിക്കൂറുകളോളമാണ് ഇവിടെ നിലയുറപ്പിച്ചത്. കൊമ്പുകുലുക്കി ചിഹ്നം വിളിച്ച്‌ ഒറ്റയാൻ നിലയുറപ്പിച്ചതോടെ സ്റ്റേഷനിലെ പൊലീസുകാര്‍ക്കും പുറത്തിറങ്ങാനായില്ല.
ഇവിടെ തന്നെയായിരുന്നു ഇവരുടെ ക്വാര്‍ട്ടേഴ്സും. കഴിഞ്ഞ 3 ദിവസമായി സ്ഥിരമായി കാട്ടാനക്കൂട്ടം ഇവിടെ എത്തുന്നുണ്ടെന്നാണ് നാട്ടുകാര്‍ പറയുന്നത്. ഏറ്റവും ഒടുവില്‍ വിവരം ലഭിക്കുമ്പോഴും കാട്ടാനയെ തുരത്തി പുറത്തിറങ്ങാനുള്ള ശ്രമത്തിലാണ് പൊലീസുകാര്‍.
