മുണ്ടക്കയം വണ്ടൻപതാൽ തേക്കിൻ കൂപ്പിൽ ശബരിമല തീർത്ഥാടകർ സഞ്ചരിച്ച വാഹനം ഇടിച്ച് കാട്ടുപോത്ത് ചത്തു

മുണ്ടക്കയം : വണ്ടൻപതാൽ തേക്കിൻ കൂപ്പിൽ ശബരിമല തീർത്ഥാടകർ സഞ്ചരിച്ച വാഹനം ഇടിച്ച് കാട്ടുപോത്ത് ചത്തു.

Link

Embed

Copy and paste this HTML code into your webpage to embed.

ഇന്ന് ഉച്ചയോടു കൂടിയാണ് സംഭവം. തമിഴ്നാട്ടിൽ നിന്നും ശബരിമല ദർശനത്തിനായി പോവുകയായിരുന്ന തീർത്ഥാടകര്‍ സഞ്ചരിച്ച വാഹനമാണ് കാട്ടുപോത്തിനെ ഇടിച്ചത്.

ഇടിയുടെ ആഘാതത്തിൽ കാട്ടുപോത്തിന് കാര്യമായി പരിക്കേൽക്കുകയും വാഹനം മറിയുകയുമായിരുന്നു. വാഹനത്തിന്റെ ഒരു സൈഡ് തകർന്ന നിലയിലാണ്.

അപകടത്തിൽ കാലിന് ഗുരുതരമായി പരിക്കേറ്റ് റോഡിൽ കിടന്ന കാട്ടുപോത്തിനെ വനംവകുപ്പ് അധികൃതർ എത്തി റോഡ് സൈഡിലേക്ക് മാറ്റി കിടത്തിയെങ്കിലും ജീവൻ നഷ്ടപ്പെടുകയായിരുന്നു.

മുണ്ടക്കയം പോലീസ് സ്ഥലത്തെത്തി ഗതാഗതം പുനസ്ഥാപിക്കുകയും തുടർനടപടികൾ സ്വീകരിക്കുകയും ചെയ്തു.