പ്രവേശനോത്സവത്തിൽ സ്വാഗത ഗാനവുമായി കുമരകം സ്വദേശികൾ

സ്വന്തം ലേഖകൻ

കുമരകം : പ്രവേശനോത്സവത്തിൽ വർണ്ണപ്പറവകൾ എന്ന സ്വാഗത ഗാനവുമായി കുമരകം സ്വദേശികൾ.

കോവിഡ് മഹാമാരിയെ തുടർന്ന് ഒന്നരവർഷത്തിന് ശേഷമാണ് തിങ്കളാഴ്ച സ്കൂളുകൾ തുറക്കുന്നത്.

കോവിഡ് മാനദണ്ഡങ്ങൾ പാലിക്കുന്നതിൽ വിദ്യാർത്ഥികൾ മാതൃകയാകണം എന്നതാണ് ഗാനത്തിന്റെ ഉള്ളടക്കം.

കോവിഡിന്റെ ഭീതിയിൽ ഭൂരിഭാഗം മാതാപിതാക്കളും മക്കളെ സ്കൂളിൽ അയക്കാൻ തയ്യാറാകാത്ത സാഹചര്യത്തിലാണ് സ്വാഗതഗാനം തയ്യാറാക്കിയതെന്ന് അണിയറ പ്രവർത്തകർ പറഞ്ഞു.

മാതൃഭൂമി ലേഖകൻ എസ്.ഡി.റാമിന്റെ ( ശ്രീറാം ഡേ ) വരികൾക്ക് പ്രശസ്ത ഘടം വിദ്വാൻ കുമരകം ഗണേഷ് ഗോപാലാണ് സംഗീതം നൽകിയിരിക്കുന്നത്.
മോട്ടീവ് ക്രിയേഷൻസിന്റെ ബാനറിൽ നിർമ്മിച്ച സ്വാഗതഗാനം നാട്ടുവാർത്ത യൂടൂബ് ചാനലിലൂടെയാണ് റിലീസ് ചെയ്തത്.
ഗൗരീശങ്കരി , ദേവികരാജേഷ് , ദേവീ വന്ദന എന്നിവരാണ് ഗായകർ . ആർ.കെ.ലിൽ ത്രയം (ഓർക്കസ്ട്രേഷൻ ) , സതീഷ് സദാനന്ദൻ (സംവിധാനം) , സരുൺ വൃന്ദാവൻ , അഖിൽ വൃന്ദാവൻ (ക്രാമറ ) , മാഗ്നാസ് പ്രഭു രാജ് ( ചിത്രസംയോജനം ) ലിനി മോൾ അലാ മോഡ് ബ്യൂട്ടി സ്റ്റുഡിയോ ( ചമയം) , ബിറ്റു വൃന്ദാവൻ , ടി. എസ് അജിത്ത് എന്നിവരാണ് അണിയറ പ്രവർത്തകർ. കുമരകത്തെ സ്കൂളുകളിൽ സ്വാഗതഗാനം എത്തിച്ചു നൽകിക്കഴിഞ്ഞു ‘