തിരുവനന്തപുരം : ബംഗാള്‍ ഉള്‍ക്കടലില്‍ വീണ്ടും പുതിയ ന്യൂനമർദ്ദത്തിന് സാദ്ധ്യത.
തെക്കൻ ചൈനാക്കടലിലെ ചുഴലിക്കാറ്റ് ദുർബലമായി ബുധനാഴ്ചയോടെ ബംഗാള്‍ ഉള്‍ക്കടലില്‍ പ്രവേശിച്ച്‌ പുതിയ ന്യൂനമർദ്ദമായി മാറുമെന്ന് കേന്ദ്രകാലാവസ്ഥാ വകുപ്പ് അറിയിച്ചു.
മഹാരാഷ്ട്രക്ക് മുകളിലുള്ള ശക്തി കൂടിയ ന്യൂനമർദ്ദം ചൊവ്വാഴ്ച വരെ തെക്കൻ ഗുജറാത്ത് വഴി സഞ്ചരിച്ചു ബുധനാഴ്ചയോടെ ന്യൂനമർദ്ദമായി അറബിക്കടലില്‍ പ്രവേശിക്കും.
രണ്ടു ന്യൂനമർദ്ദവും ( അറബിക്കടല്‍, ബംഗാള്‍ ഉള്‍ക്കടല്‍ ) കേരളത്തെ കാര്യമായി ബാധിക്കില്ല. എങ്കിലും നിലവിലെ മഴ ഇന്നും നാളെയും ഇടവേളകളോട് കൂടി എല്ലാ ജില്ലകളിലും പെയ്യാൻ സാദ്ധ്യതയെന്നും കാലാവസ്ഥ വകുപ്പ് അറിയിച്ചുമധ്യ, വടക്കൻ ജില്ലകളില്‍ കൂടുതല്‍ മേഖലയില്‍ മഴയ്ക്ക് സാധ്യതയുണ്ടെന്നും കാലാവസ്ഥ വകുപ്പിന്റെ മുന്നറിയിപ്പില്‍ പറയുന്നു
Whatsapp Group 1 | Whatsapp Group 2 |Telegram Group
ശക്തമായ മഴ കണക്കിലെടുത്ത് വടക്കൻ കേരളത്തില്‍ ഇന്ന് മുന്നറിയിപ്പ് നല്‍കിയിട്ടുണ്ട്. ജാഗ്രതയുടെ ഭാഗമായി മലപ്പുറം, കോഴിക്കോട്, വയനാട്, കണ്ണൂർ, കാസർകോട് ജില്ലകളില്‍ ഇന്ന് യെല്ലോ അലർട്ട് പ്രഖ്യാപിച്ചിട്ടുണ്ട്.
കേരളത്തിലെ പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശ്ശൂർ, പാലക്കാട്, മലപ്പുറം, കോഴിക്കോട്, വയനാട് ജില്ലകളില്‍ ഒറ്റപ്പെട്ടയിടങ്ങളില്‍ ഇടിമിന്നലോട് കൂടിയ ഇടത്തരം മഴയ്ക്കും ശക്തമായ കാറ്റിനും സാദ്ധ്യതയുണ്ടെന്നും കേന്ദ്ര കാലാവസ്ഥ വകുപ്പ് അറിയിച്ചു.
