വയനാട്: മാനന്തവാടി പടമലയിലെ അജീഷ് എന്ന കർഷകന്റെ ജീവനെടുത്ത ബേലൂർ മഖ്നയെന്ന കാട്ടാനയെ മയക്കുവെടി വച്ച് പിടികൂടാനുള്ള ദൗത്യം നാലാം ദിവസത്തില്.
ഇന്നത്തെ നടപടികള് വനംവകുപ്പ് തുടങ്ങി. ആനയുടെ സിഗ്നല് കിട്ടുന്ന ഭാഗത്താകും ആദ്യ തെരച്ചില്. രാത്രി വൈകി, ആന കർണാടക അതിർത്തിക്ക് ഏറെ അടുത്ത് എത്തിയിരുന്നെങ്കിലും തിരികെ കേരള കാടുകളിലേക്ക് തന്നെ നീങ്ങി.
പൊന്തക്കാടുകളാണ് മയക്കുവെടി ദൗത്യം ദുഷ്കരമാക്കുന്നത്. വിവിധ സംഘങ്ങളായി തിരിഞ്ഞ്, കാടിൻ്റെ പലഭാഗത്ത് കൂടിയാണ് ദൗത്യസംഘം ആനയെത്തേടി പോയിരിക്കുന്നത്. ദൗത്യം നീളുന്നതില് നാട്ടുകാർ രോഷത്തിലാണ്.
Whatsapp Group 1 | Whatsapp Group 2 |Telegram Group
സ്ഥലവും സന്ദർഭവും കൃത്യമായാല് മാത്രം മയക്കുവെടിക്ക് ശ്രമിക്കുമെന്നാണ് ദൗത്യസംഘം അറിയിക്കുന്നത്. അഞ്ച് കിലോമീറ്റർ ചുറ്റളവില് തമ്പടിച്ചിട്ടുള്ള ആന, കുങ്കികളെ കാണുമ്പോള് ഒഴിഞ്ഞു മാറുകയായിരുന്നു. നിലവില് മറ്റൊരു മോഴയ്ക്കൊപ്പമാണ് ആനയുടെ സഞ്ചാരം.
ദൗത്യസംഘത്തിന് മുന്നില് കടുവയും പുലിയുമടക്കം വന്യമൃഗങ്ങള് എത്തുന്നതും ദൗത്യത്തിന് പ്രതിസന്ധിയാകുന്നുണ്ട്.
