വെള്ളം എത്രത്തോളം കുടിക്കുന്നുവോ ശരീരത്തിന് അത്രത്തോളം നല്ലതാണ്. വെള്ളം ഒാരോ അവയവങ്ങളുടെയും സുഗമമായ പ്രവർത്തനത്തെ സഹായിക്കുന്നു. ദാഹം വരുമ്പോൾ സോഫ്റ്റ്‌ ഡ്രിങ്കോ ജ്യൂസോ കുടിക്കാതെ പകരം ധാരാളം വെള്ളം കുടിക്കാനാണ് ശ്രമിക്കേണ്ടത്. വെള്ളം കുടിക്കുന്നത് നമ്മുടെ ശരീരത്തിലെ പല പ്രശ്നങ്ങൾക്കുമുള്ള പ്രതിവിധിയാണ്.വെള്ളം കുടിക്കുന്നതിന്റെ മറ്റ് ഗുണങ്ങൾ എന്തൊക്കെയാണെന്ന് നോക്കാം.
ശരീരഭാരം കുറയ്ക്കാൻ ഏറ്റവും നല്ലതാണ് വെള്ളം. ഡയറ്റ് ചെയ്യുന്നവർ ധാരാളം വെള്ളം കുടിക്കാൻ ശ്രമിക്കണം. ദിവസവും നാല് ലിറ്റർ വെള്ളം കുടിക്കാൻ ശ്രമിക്കണം.
വെറും വയറ്റിൽ വെള്ളം കുടിക്കുന്നത് രോഗ പ്രതിരോധശേഷി വർദ്ധിപ്പിക്കും. പല രോഗങ്ങളെയും ചെറുക്കാൻ വെള്ളം കുടിക്കുന്നത് ഏറെ നല്ലതാണ്.
Whatsapp Group 1 | Whatsapp Group 2 |Telegram Group
.ദഹനനാളിയെ ശുദ്ധീകരിക്കാൻ വെറും വയറ്റിൽ വെള്ളം കുടിക്കുന്നത് ഏറെ നല്ലതാണ്.ധാരാളം വെള്ളം കുടിക്കുന്നത് വയർ ശുദ്ധീകരിക്കാൻ സഹായിക്കും.
വെള്ളം ശരീരത്തിൽ നിന്ന് വിഷാംശങ്ങളെ പുറത്തുകളയുന്നു. വെള്ളം ശരീരം വിഷപദാർത്ഥങ്ങളെ പുറത്തു കളഞ്ഞ് ശരീരം വൃത്തിയാക്കി രോഗങ്ങളിൽ നിന്നു സംരക്ഷിക്കുന്നു.
പലർക്കും ഇപ്പോഴുള്ള വലിയ പ്രശ്നമാണ് മൈഗ്രേയ്ൻ. വിട്ടുമാറാത്ത മൈഗ്രേയ്ൻ ഇന്ന് പലർക്കുമുണ്ട്. വെള്ളത്തിന്റെ കുറവ് തന്നെയാണ് പ്രധാനകാരണം. വെറും വയറ്റിലും നിശ്ചിതമായ ഇടവേളകളിട്ട് തുടർച്ചയായും വെള്ളം കുടിക്കുന്നത് തലവേദനയെ ഒഴിവാക്കാനുള്ള പ്രകൃതിദത്ത മാർഗ്ഗമാണ്. ഇതു മാത്രമല്ല ധാരാളം വെള്ളം കുടിക്കുന്നത് ദന്താരോഗ്യത്തിനും വായ്പുണ്ണുവരാതിരിക്കാനും സഹായിക്കുന്നു.
വെറും വയറ്റിൽ ഒരു ഗ്ലാസ്സ് വെള്ളം കുടിക്കുന്നത് കെട്ടിക്കിടക്കുന്ന മാലിന്യത്തെ പെട്ടെന്ന് പുറംതള്ളാനും പോഷകാംശങ്ങളെ എളുപ്പം വലിച്ചെടുക്കാനും സഹായിക്കുന്നു.
വെള്ളം കുടിക്കുന്നതു മൂലം വയർ കൃത്യമായി ശുദ്ധമാക്കപ്പെടുന്നു. ഇത് പ്രഭാത ഭക്ഷണം കൃത്യസമയത്ത് കഴിക്കാൻ സഹായിക്കുന്നു.
വെള്ളം കുടിക്കുന്നതിലൂടെ നിറം വർദ്ധിക്കുന്നു. നിറം വർധിക്കുന്നതിനും തിളക്കമുള്ള ചർമം ഉണ്ടാകുന്നതിനും ഉള്ള എളുപ്പവഴി ധാരാളം വെള്ളം കുടിക്കുന്നതാണ്.
വെറും വയറ്റിൽ വെള്ളം കുടിക്കുന്നതിലൂടെ ക്ഷീണവും അലസതയും ഉറക്കവും മാറ്റുന്നു. വെള്ളം രക്തത്തിലെ ചുവന്ന രക്താണുക്കളുടെ വളർച്ചയെ ത്വരിതപ്പെടുത്തുന്നതുമൂലം കൂടുതൽ ഓക്സിജനുണ്ടാക്കുന്നു. ഇത് ഉൻമേഷം കൂട്ടുന്നു.
