രാവിലെ ഉറക്കമുർന്നശേഷം ഒരു ഗ്ലാസ് ചായയോ കാപ്പിയോ കുടിച്ച് ദിവസം ആരംഭിക്കുന്നവരാണ് നമ്മളിൽ പലരും.
എന്നാൽ ഇതിന് പകരമായി ഇളംചൂട് വെള്ളം കുടിക്കുന്നത് ഒട്ടേറെ ആരോഗ്യഗുണങ്ങള്‍ നല്‍കുമെന്ന് ആരോഗ്യവിദഗ്ധർ പറയുന്നു.
ദഹനം മെച്ചപ്പെടുത്തുന്നു
ദിവസം എട്ടുഗ്ലാസ് ഇളംചൂടുവെള്ളം കുടിക്കുന്നത് ദഹനം മെച്ചപ്പെടുത്താന്‍ സഹായിക്കുന്നു. ഇതിന് പുറമെ ശരീരത്തിലെ വിഷപദാര്‍ത്ഥങ്ങളെ പുറന്തള്ളാന്‍ സഹായിക്കുന്നു.
Whatsapp Group 1 | Whatsapp Group 2 |Telegram Group
ശരീരഭാരം നിയന്ത്രിക്കുന്നു
രാവിലെ ഒരുഗ്ലാസ് ചെറുചൂടുവെള്ളത്തില്‍ സ്വല്‍പം നാരങ്ങാനീര്‍ ചേര്‍ത്ത് കുടിക്കുന്നത് വിശപ്പ് ശമിപ്പിക്കുകയും ഇടവേളയില്‍ ജങ്ക് ഫുഡ് കഴിക്കുന്നത് കുറയ്ക്കാനും സഹായിക്കുന്നു. ശരീരത്തിലെ കൊഴുപ്പ് വിഘടിക്കാന്‍ സഹായിക്കുന്നു ദഹനപ്രക്രിയ എളുപ്പമുള്ളതാക്കുകയും ചെയ്യുന്നു. ഇതിലൂടെ ശരീരഭാരം നിയന്ത്രിക്കാൻ കഴിയുന്നു.
അകാലവാര്‍ധക്യം തടയുന്നു
അകാലവാര്‍ധക്യം എല്ലാവരുടെയും പേടി സ്വപ്‌നമാണ്. ഇത് തടയുന്നതിന് ശരീരത്തിന്റെ ഉള്ളില്‍ നിന്നും ശുദ്ധീകരണം ആവശ്യമാണ്. ഇളംചൂട് വെള്ളം കുടിക്കുന്നത് ശരീരകോശങ്ങളിലെ കേടുപാടുകള്‍ പരിഹരിക്കുന്നതിന് സഹായിക്കുന്നു. ദിവസം ചൂടുവെള്ളം കുടിക്കുന്നത് ശീലമാക്കിയാല്‍ ചര്‍മത്തിലെ മാറ്റം കാണാന്‍ കഴിയും.
തിളങ്ങുന്ന ചര്‍മത്തിന്
മുഖക്കുരു കുറയ്ക്കാനും ചര്‍മത്തിലെ അഴുക്കുകള്‍ നീക്കം ചെയ്യാനും ഇളംചൂടുവെള്ളം സ്ഥിരമായി കുടിക്കുന്നത് സഹായിക്കുന്നു.
