ഏറ്റുമാനൂർ: എൽഡിഎഫ് സ്ഥാനാർത്ഥി വി.എൻ. വാസവൻ ആർപ്പൂക്കര, നീണ്ടൂർ പഞ്ചായത്തുകളിൽ ഇന്നലെ പര്യടനം നടത്തി.
നീണ്ടൂർ ഹാർവെസ്റ്റ് ബ്രഡ് കമ്പനിയിൽ എത്തിയപ്പോൾ തൊഴിലാളികൾ സ്വീകരിച്ചു.
കമ്പനിയിൽ ഇരുപതോളം തൊഴിലാളികളുമുണ്ടായിരുന്നു. സ്ഥാനാർഥിയോടൊപ്പം സെൽഫിയെടുത്ത് ഹസ്തദാനം നൽകി വിജയാശംസകൾ നേർന്നു. തുടർന്ന് സ്ഥാനാർഥി മരണാന്തര ചടങ്ങുകളിൽ സാനിധ്യമറിയിച്ചു. ശേഷം വില്ലൂന്നി സെൻ്റ് സേവിയേഴ്സ് ചർച്ചിലും മഠത്തിലും സന്ദർശിച്ചു.
മഠത്തിലെ അമ്മമാർ അനുഗ്രഹാശംസകൾ നേർന്നു. നീണ്ടൂർ , ആർപ്പൂക്കര കുമരകം മേഖലകളിലായിരുന്നു പ്രധാനമായും പ്രചരണം കേന്ദ്രീകരിച്ചത്. നീണ്ടൂർ മുണ്ടമറ്റം ക്ഷേത്രത്തിൽ ഉത്സവത്തിൽ പങ്കെടുത്തു.
Whatsapp Group 1 | Whatsapp Group 2 |Telegram Group
സമ്മദിദായകരെ കണ്ട് വോട്ട് അഭ്യർഥിച്ചു. തുടർന്ന് ആരാധാനാലയങ്ങളിലും ഭവനങ്ങളിലും സന്ദർശനം നടത്തി. വൈകിട്ട് കുമരകത്ത് ലയൺസ് ക്ലബിൻ്റെ പരിപാടിയിൽ പങ്കെടുത്തു. തുടർന്ന് കൺവൻഷനുകളിലും കുടുംബയോഗങ്ങളിലും പങ്കെടുത്തുകൊണ്ടാണ് സ്ഥാനാർഥിയുടെ ചൊവ്വാഴ്ചത്തെ പ്രചാരണം സമാപിച്ചത്.
