കൊല്ലം: മുസ്ലിം ലീഗ് വർണക്കടലാസില് പൊതിഞ്ഞ പൊട്ടാസ്യം സയനൈഡ് ആണെന്ന് എസ്എൻഡിപി യോഗം ജനറല് സെക്രട്ടറി വെള്ളാപ്പള്ളി നടേശൻ. അവർക്ക് മനുഷ്യത്വമില്ല. അവർക്കാണോ നമ്മള് വോട്ട് കൊടുക്കേണ്ടത്? അവരെ കൂട്ടുപിടിച്ച് നില്ക്കുന്നവരെ ജയിപ്പിച്ചാല് നമ്മുടെ സ്ഥിതി എന്താകുമെന്നും വെള്ളാപ്പള്ളി ചോദിച്ചു. പുനലൂരില് എസ്എൻഡിപി നേതൃസംഗമത്തില് സംസാരിക്കവെയായിരുന്നു അദേഹത്തിന്റെ പ്രതികരണം.
മുസ്ലിം ലീഗിന്റെ ഭരണം വന്നാല് നമ്മള് നാടുവിടേണ്ടിവരും. നമ്മള് ആത്മഹത്യ ചെയ്യേണ്ടിവരും. പേരില് തന്നെ മുസ്ലിം കൂട്ടായ്മ എന്നുണ്ട്. എന്നിട്ട് മതേതര കൂട്ടായ്മ എന്ന് പറയും. മുസ്ലിം അല്ലാത്ത ഒരു എംഎല്എ ലീഗില് ഉണ്ടോ എന്നും വെള്ളാപ്പള്ളി ചോദിച്ചു.
ഗതാഗതമന്ത്രി കെ.ബി ഗണേഷ്കുമാറിനെയും വെള്ളാപ്പള്ളി വിമർശിച്ചു. ഗണേഷ്കുമാർ തറ മന്ത്രിയാണൈന്ന് അദ്ദേഹം പറഞ്ഞു. ചൂടുകാലത്ത് കുടിക്കാൻവെച്ച വെള്ളം ബസില് നിന്ന് പിടിച്ചിട്ട് ഗമ കാണിക്കുകയാണ്. കെഎസ്ആർടിസിയില് തുഗ്ലക് ഭരണമാണെന്നും വെള്ളാപ്പള്ളി കൂട്ടിച്ചേർത്തു.
Whatsapp Group 1 | Whatsapp Group 2 |Telegram Group