തൃശ്ശൂർ : വിയ്യൂർ സെന്ട്രല് ജയിലില് പ്ര.തികളെ ഉദ്യോഗസ്ഥർ സംഘം ചേർന്ന് ക്രൂരമായി മർദ്ദിച്ചതായി പരാതി. എന്ഐഎ കേസിലെ പ്രതികളായ പി എം മനോജ് , അസ്ഹറുദ്ദീൻ എന്നിവർക്കാണ് മർദ്ദനമേറ്റത്.
ഇരുവരെയും ഗുരുതര പരിക്കുകളോടെ ചികിത്സയില് പ്രവേശിപ്പിച്ചു. പരാതിയുടെ അടിസ്ഥാനത്തില് വിയ്യൂർ, പൂജപ്പുര ജയില് സൂപ്രണ്ടുമാരോട് ഇന്ന് വീഡിയോ കോണ്ഫറന്സിലൂടെ ഹാജരാകാൻ എൻഐഎ കോടതി ഉത്തരവിട്ടു.
മെഡിക്കല് കോളേജ് സൂപ്രണ്ടിനോട് ആരോഗ്യസ്ഥിതി സംബന്ധിച്ച് റിപ്പോർട്ട് നല്കാനും എന് ഐ എ കോടതി ഉത്തരവിട്ടു.
Whatsapp Group 1 | Whatsapp Group 2 |Telegram Group
കഴിഞ്ഞ 13 നാണ് ജയില്പുള്ളികള്ക്ക് മർദ്ദനമേറ്റത്. സെല്ലില് കയറ്റുന്നതിനെ ചൊല്ലിയുണ്ടായ തര്ക്കത്തെ തുടർന്നാണ് മർദ്ദനമുണ്ടായത്. പിന്നാലെ ഉദ്യോഗസ്ഥർക്കെതിരെ കേസ് എടുക്കാൻ ആവശ്യപ്പെട്ട് ഡിജിപിക്ക് പരാതി ലഭിച്ചു.
ജയില് വാർഡനായ അഭിനവ്, ജോയിന്റ് സൂപ്രണ്ട് ശ്രീജിത്ത്, ഡപ്യൂട്ടി സൂപ്രണ്ട് കിരണ് എന്നിവരുടെ നേതൃത്വത്തിലായിരുന്നു മർദ്ദനമെന്നാണ് പരാതിയില് പറയുന്നത്.
