കോട്ടയം പാമ്പാടി വെള്ളൂരിൽ ബൈക്കുകൾ കൂട്ടിയിടിച്ച് അപകടം; അണ്ണാടിവയൽ സ്വദേശിയായ യുവാവിന് ദാരുണാന്ത്യം

സ്വന്തം ലേഖിക

കോട്ടയം : പാമ്പാടി വെള്ളൂരിൽ ബൈക്കുകൾ കൂട്ടിയിടിച്ച് യുവാവിന് ദാരുണാന്ത്യം.

അണ്ണാടിവയൽ സ്വദേശി വല്യ ഉപ്പൂട്ടിൽ വീട്ടിൽ ബിജുവിൻ്റെ മകൻ റ്റിറ്റോ (23) ആണ് മരിച്ചത്.

അണ്ണാടി വയലിന് സമീപം ഉമ്മൻ ചാണ്ടി നഗർ റോഡിന് സമീപം ആയിരുന്നു അപകടം.

ഇന്നലെ രാത്രിയിലായിരുന്നു അപകടം. കോട്ടയം മെഡിക്കൽ കോളേജ് ഹോസ്പിറ്റലിൽ എത്തിച്ചെങ്കിലും മരണം സംഭവിക്കുകയായിരുന്നു.