വെള്ളൂരിലെ കള്ളന് വേറൊന്നും വേണ്ട വല മതി: വലക്കള്ളനെ പിടിക്കാൻ കെണിയൊരുക്കി കാത്തിരിക്കുകയാണ് മത്സ്യ തൊഴിലാളികൾ.

വെള്ളൂർ: മത്‍സ്യത്തൊഴിലാളികളുടെ വലകള്‍ മോഷണം പോകുന്നതായി പരാതി. വെള്ളൂർ പഞ്ചായത്ത് ഒന്നാം വാർഡിലെ ചെറുകരയില്‍ മത്‍സ്യത്തൊഴിലാളികളായ എം.ടി.

ദിലീപ് മണമേല്‍, എം.കെ. ബാബു മുളമ്ബാത്ത്, സുധൻ പൂത്തുരുത്തി, ശോഭനൻ

തേക്കുംകാട്ടില്‍ എന്നിവരുടെ വലകളാണ് കഴിഞ്ഞ ദിവസം മോഷണംപോയത്. മത്‍സ്യബന്ധനോപകരണങ്ങളും വള്ളങ്ങളും നശിപ്പിക്കപ്പെടുന്നതായും പരാതിയുണ്ട്.

കുറ്റക്കാർക്കെതിരേ അധികൃതർ കർശന നടപടി സ്വീകരിക്കണമെന്ന്

മത്‍സ്യത്തൊഴിലാളി യൂണിയൻ മേഖലാ കമ്മിറ്റി ആവശ്യപ്പെട്ടു. മുളന്തുരുത്തി പോലീസില്‍ പരാതി നല്‍കി.