തിരുവനന്തപുരം: കേന്ദ്ര ഗതാഗത മന്ത്രാലയത്തിന്റെ കീഴിലുള്ള വാഹൻ പോർട്ടല് സാങ്കേതിക കാരണങ്ങളാല് പ്രവർത്തന രഹിതമായതായി എംവിഡി.
ഇതിനാല് ഫെബ്രുവരി 22 മുതല് 27 വരെയുള്ള കാലയളവില് പുക പരിശോധന സർട്ടിഫിക്കറ്റിന്റെ (PUCC) കാലാവധി അവസാനിച്ച വാഹനങ്ങളുടെ മേല് പിഴ ചുമത്തുന്നത് ഒഴിവാക്കുമെന്ന് എംവിഡി അറിയിച്ചു.
സോഫ്റ്റ്വെയറുമായി ബന്ധപ്പെട്ട സർവറില് അറ്റകുറ്റപ്പണികള് നടക്കുന്നതിനാല് രാജ്യ വ്യാപകമായി ഈ പ്രശ്നം നിലനില്ക്കുന്നുണ്ട്. ഇനിയും ഒരു ദിവസം കൂടി പ്രശ്നപരിഹാരത്തിനായി ആവശ്യമാണെന്നും എൻ ഐ സി അറിയിച്ചിട്ടുണ്ട്.
Whatsapp Group 1 | Whatsapp Group 2 |Telegram Group
സോഫ്റ്റ്വെയറിന്റെ തകരാറുകള് എത്രയും വേഗത്തില് പരിഹരിച്ച് പോർട്ടല് പ്രവർത്തനയോഗ്യമാക്കുന്നതിനുള്ള നിർദ്ദേശം ഗതാഗത വകുപ്പിന്റെ സോഫ്റ്റ്വെയറുകള് കൈകാര്യം ചെയ്യുന്ന നാഷണല് ഇൻഫോർമാറ്റിക്സ് സെന്ററിന് നല്കിയിട്ടുണ്ടെന്നും എംവിഡി ഫേസ്ബുക്ക് കുറിപ്പില് അറയിച്ചു.
