ഇന്നൊരു വെജിറ്റബിള്‍ സൂപ്പ് ഉണ്ടാക്കിയോലോ? റെസിപ്പി ഇതാ

കോട്ടയം: ഇന്നൊരു സൂപ്പ് ഉണ്ടാക്കിയാലോ? കുട്ടികള്‍ക്കും മുതിര്‍ന്നവര്‍ക്കും ഒരേപോലെ ഇഷ്ട്പപെടുന്ന ഒരു വെജിറ്റബിള്‍ സൂപ്പ്.

എങ്ങനെ തയ്യാറാക്കാമെന്ന് നോക്കാം.

ആവശ്യമായ ചേരുവകള്‍

കാരറ്റ്- 1 എണ്ണം
ബീൻസ്- 3 എണ്ണം
കൂണ്‍- 2 ടേബിള്‍ സ്പൂണ്‍
കാബേജ്- 1/2 കപ്പ്
സവാള – 1 എണ്ണം
വെളുത്തുള്ളി- 3 അല്ലി
ഒലിവ് ഓയില്‍- 1 സ്പൂണ്‍
തയാറാക്കുന്ന വിധം

ഒരു പാനെടുത്ത് അതിലേക്ക് അല്‍പ്പം ഒലിവ് ഓയില്‍ ഒഴിക്കുക. ശേഷം ഇത് ചൂടായി വരുമ്ബോള്‍ സവാള, വെളുത്തുള്ളി എന്നിവ അരിഞ്ഞത് ഇതിലേക്ക് ചേർത്ത് കൊടുക്കാം. ഇവ ചെറുതായി വറുത്തെടുത്ത ശേഷം അതിലേക്ക് കൂണ്‍ കൂടി ചേർത്ത ശേഷം വഴറ്റിയെടുക്കണം. ഇനി ബാക്കി പച്ചക്കറികള്‍ എല്ലാം ചേർക്കാം. ശേഷം വഴറ്റിയെടുക്കാം. അടുത്തതായി വെള്ളവും ഉപ്പുംകുരുമുളക് എന്നിവ ചേർത്ത് തിളപ്പിച്ച്‌ എടുക്കണം.