ബംഗളൂരു വീരഭദ്ര നഗറില്‍ വൻ തീപിടിത്തം; ബസ് ഡിപ്പോയില്‍ നിര്‍ത്തിയിട്ട പത്തോളം ബസുകള്‍ കത്തി നശിച്ചു; തീ പിടിത്തതിന്റെ കാരണം വ്യക്തമല്ല 

സ്വന്തം ലേഖകൻ

ബംഗളൂരു: ബംഗളൂരുവില്‍ വീരഭദ്ര നഗറില്‍ ബസ് സ്റ്റാൻഡിന് സമീപമുള്ള ഗാരിജില്‍ വൻ തീപിടുത്തം. നിര്‍ത്തയിട്ടിരുന്ന പത്തോളം ബസുകള്‍ കത്തി നശിച്ചു.

ആര്‍ക്കും പരുക്കേറ്റതായി റിപ്പോര്‍ട്ടുകളില്ല. തീ നിയന്ത്രണ വിധേയമാക്കാൻ അഗ്‌നിശമന സേന സ്ഥലത്തെത്തയിട്ടുണ്ട്. തീ പിടിത്തതിന്റെ കാരണം ഇതുവരെ വ്യക്തമായിട്ടില്ല.

വീരഭദ്ര നഗറിലെ സ്വകാര്യ ബസ് ഡിപ്പോയില്‍ ഉച്ചയോടെയാണ് തീപിടിത്തമുണ്ടായത്. തീ അണയ്ക്കാൻ തീവ്രശ്രമം തുടരുകയാണ്. സ്ഥലത്തേക്ക് കൂടുതല്‍ ഫയര്‍ഫോഴ്‌സ് യൂനിറ്റുകള്‍ എത്തി. തീ കൂടുതല്‍ വ്യാപിക്കാതിരിക്കാനുള്ള ശ്രമങ്ങളാണിപ്പോള്‍ നടന്നുകൊണ്ടിരിക്കുന്നത്. സ്ഥലത്ത് പൊലീസും എത്തിയിട്ടുണ്ട്.