തിരുവനന്തപുരം: ആന്റണി രാജു അറിഞ്ഞ് കൊണ്ട് ഗുരുതരമായ കുറ്റകൃത്യമാണ് നടത്തിയതെന്നും എല്ലാം അറിഞ്ഞ് പിണറായി വിജയന് ആന്റണി രാജുവിനെ മന്ത്രിയാക്കിയത് തെറ്റെന്നും വിഡി സതീശന് പറഞ്ഞു.
എംഎല്എ സ്ഥാനത്ത് ഇരിക്കാന് അദ്ദേഹം യോഗ്യനല്ലെന്നും സതീശന് തിരുവന്തപുരത്ത് മാധ്യമങ്ങളോട് പറഞ്ഞു. ‘എല്ലാം അറിഞ്ഞുകൊണ്ടാണ് പിണറായി വിജയന് അദ്ദേഹത്തെ മന്ത്രിസഭയില് ഉള്പ്പെടുത്തിയത്.
അദ്ദേഹത്തെ രണ്ടരവര്ഷം മന്ത്രിയാക്കി കൊണ്ടുനടന്നു. ഒരിക്കലും ആക്കാന് പാടില്ലായിരുന്നു. നിയമസഭയില് മത്സരിപ്പിക്കാന് പോലും പാടില്ലായിരുന്നു.
Whatsapp Group 1 | Whatsapp Group 2 |Telegram Group
കോടതിക്ക് സംശയം തോന്നിയതുകൊണ്ടാണ് കേസില് രണ്ടാമതും തെളിവെടുപ്പ് നടത്തിയത്. ഇതുതന്നെയാണ് ശബരിമലക്കേസിലും നടക്കുന്നത്.
സ്വര്ണം കൊള്ള ചെയ്ത സിപിഎം നേതാക്കളെ സംരക്ഷിക്കുകയാണ് സര്ക്കാര് ചെയ്യുന്നത് കൊളളകാര്ക്ക് കുട പിടിച്ചുകൊടുക്കയാണ്. ആന്റണി രാജു എംഎല്എ സ്ഥാനത്ത് തുടരാന് യോഗ്യനല്ല’ -സതീശന് പറഞ്ഞു.
