‘കേരളത്തിന് ഒരു വന്ദേഭാരത് കൂടി’; നടപടികള്‍ പൂര്‍ത്തിയാക്കി ഉടൻ ഓടി തുടങ്ങും; റെയില്‍വേ മന്ത്രി ഉറപ്പ് നല്‍കിയെന്ന് കെ സുരേന്ദ്രന്‍

സ്വന്തം ലേഖിക

തൃശ്ശൂര്‍: കേരളത്തിന് ഒരു വന്ദേ ഭാരത് എക്സ്പ്രസ് കൂടി കിട്ടുമെന്ന് ബിജെപി സംസ്ഥാന അധ്യക്ഷന്‍ കെ സുരേന്ദ്രന്‍.

വൈകാതെ നടപടികള്‍ പൂര്‍ത്തിയാക്കി വന്ദേ ഭാരത് ഓടി തുടങ്ങും. സില്‍വര്‍ ലൈൻ അടഞ്ഞ അധ്യായമാണെന്നും ബിജെപി സംസ്ഥാന അധ്യക്ഷന്‍ കൂട്ടിച്ചേര്‍ത്തു.

സര്‍ക്കാര്‍ ഉദ്ദേശിച്ച രീതിയില്‍ ഒരിക്കലും പദ്ധതി നടക്കാൻ പോകുന്നില്ല.

മെട്രോമാൻ്റെ അഭിപ്രായം സര്‍ക്കാര്‍ അംഗീകരിക്കും എന്ന് തോന്നുന്നില്ലെന്നും വിഷയത്തില്‍ കേരള സര്‍കാര്‍ പ്രതികരിക്കട്ടെ എന്നും കെ സുരേന്ദ്രൻ വാര്‍ത്താസമ്മേളനത്തില്‍ പറഞ്ഞു.