വീടുകയറി ആക്രമണം നടത്തിയ സംഭവം; വഞ്ചിയൂര്‍ കോടതി പരിസരത്ത് വിചാരണക്കെത്തിയ സാക്ഷിയെ പ്രതി കുത്തി വീഴ്ത്തി; പ്രതി പോലീസ് കസ്റ്റഡിയിൽ

സ്വന്തം ലേഖിക

തിരുവനന്തപുരം: തിരുവനന്തപുരം വഞ്ചിയൂര്‍ കോടതി പരിസരത്ത് വിചാരണക്കെത്തിയ സാക്ഷിയെ പ്രതി കുത്തി വീഴ്ത്തി.

വീടുകയറി ആക്രമണം നടത്തിയ കേസില്‍ വിചാരണക്കെത്തിയ സാക്ഷിയായ എറണാകുളം സ്വദേശി നിധിനെയാണ് കേസിലെ പ്രതി വിമല്‍ കുത്തിയത്.

പരിക്കേറ്റ നിധിനെ തിരുവനന്തപുരം ജനറല്‍ ആശുപത്രിയിലെത്തിച്ച്‌ ചികിത്സ നല്‍കി.

2014 ല്‍ മോഹനൻ എന്നയാളുടെ വീട്ടില്‍ നിധിൻ വാടകക്കാരനായി താമസിക്കുമ്പോളാണ് വിമല്‍ വീട് കയറി ആക്രമിച്ചത്. വിമല്‍ ഇപ്പോള്‍ പോലീസ് കസ്റ്റഡിയിലാണ്.