വനം വകുപ്പിൽ മേലുദ്യോഗസ്ഥന്റെ മാനസിക പീഡനം: 2 വനിതാ ജീവനക്കാരുടെ പരാതിയിൽ ഒരാൾക്ക് സസ്പെൻഷൻ:

സ്വന്തം ലേഖകൻ
ഇടുക്കി: മേലുദ്യോഗസ്ഥനെ സഹിക്കാൻ കഴിയുന്നില്ല എന്ന ഘട്ടമെത്തിയപ്പോൾ സഹികെട്ട് 2 വനിതാ ജീവനക്കാരുടെ പരാതിയിൽ വനം വകുപ്പ് ഉദ്യോഗസ്ഥന് സസ്പെൻഷൻ .

ഇടുക്കി നഗരംപാറ വനം വകുപ്പ് റെയ്ഞ്ചിലെ ഡെപ്യൂട്ടി റെയ്ഞ്ച് ഓഫീസർ കെ സി വിനോദിനെയാണ് സസ്പെൻഡ് ചെയ്തത്.നഗരംപാറ റെയ്ഞ്ചിലെ രണ്ട് വനിത ജീവനക്കാരെ മാനസികമായും ജോലി പരമായും പീഡിപ്പിച്ചെന്ന പരാതിയിലാണ് നടപടി.

അപമര്യാദയായി പെരുമാറിയെന്നും അശ്ലീല സന്ദേശങ്ങൾ അയച്ചെന്നും പരാതിയുണ്ടായിരുന്നു. ഒപ്പം പാൽക്കുളംമേട് ഭാഗത്ത് വനഭൂമിയിലൂടെ റോഡ് നിർമ്മിച്ചത് അറിഞ്ഞിട്ടും നടപടിയെടുത്തില്ലെന്ന് കോട്ടയം ഡിഎഫ്ഒ റിപ്പോർട്ട് നൽകിയിരുന്നു.

ഇതും പരിഗണിച്ചാണ് വനംവകുപ്പ് അഡീഷണൽ പ്രിൻസിപ്പൽ സിസിഎഫ് ഡോ പി പുകഴേന്തി സസ്പെൻഡ് ചെയ്തത്