പാലക്കാട്: പാലക്കാട് വാളയാറില് അതിഥി തൊഴിലാളി ആള്കൂട്ട ആക്രമണത്തില് കൊല്ലപ്പെട്ട സംഭവത്തില് സ്ത്രീകള്ക്കും പങ്കെന്ന് പൊലീസ് നിഗമനം.
രണ്ടു മണിക്കൂർ നീണ്ട ആക്രമണത്തില് ഛത്തിസ്ഗഡ് സ്വദേശി രാംനാരായണനെ ചില സ്ത്രീകളും മർദിച്ചെന്നാണ് പൊലീസിനു ലഭിച്ച വിവരം. അന്വേഷണമേറ്റെടുത്ത ജില്ലാ ക്രൈംബ്രാഞ്ച് സംഘം ഇക്കാര്യം പരിശോധിക്കും.
ആക്രമണത്തില് പതിനഞ്ചോളം പേർ പങ്കാളികളായെന്നും ഇതില് ചിലർ നാടുവിട്ടെന്നുമാണ് പൊലീസ് കരുതുന്നത്.
വാളയാർ അട്ടപ്പള്ളത്ത് മരിച്ച അതിഥിത്തൊഴിലാളി നേരിട്ടത് മണിക്കൂറുകള് നീണ്ട കൊടും ക്രൂരതയാണ്.
Whatsapp Group 1 | Whatsapp Group 2 |Telegram Group
രാംനാരായണൻ്റെ ശരീരത്തില് ആസകലം മർദ്ദനമേറ്റ പാടുകളുണ്ടായിരുന്നു. മോഷ്ടാവാണെന്നു സംശയിച്ചാണ് ആള്ക്കൂട്ടം രാംനാരായണനെ മർദിച്ചത്.
സംഭവത്തില് അഞ്ചു പേരെ പൊലീസ് അറസ്റ്റ് ചെയ്തു. വിശദമായ അന്വേഷണം നടക്കുന്നുണ്ടെന്നും കൂടുതല് അറസ്റ്റ് ഉണ്ടാകുമെന്നും വാളയാർ പൊലീസ് അറിയിച്ചു. ബുധനാഴ്ച 3 മണിയ്ക്കാണ് സംഭവം.
