വൈക്കം നഗരസഭയുടെ കപ്പേളച്ചിറയിലെ ഡംപിംഗ് യാർഡില്‍ നിന്നുള്ള ദുർഗന്ധം സമീപ വാസികൾക്ക് ബുദ്ധിമുട്ടുണ്ടാക്കുന്നു: മാലിന്യം ചീഞ്ഞ് തോട്ടിലേക്ക് മലിനജലം ഒഴുകുന്നു: അടിയന്തര നടപടി സ്വീകരിച്ചില്ലെങ്കിൽ രോഗം പടരുമെന്ന് നാട്ടുകാർ.

വൈക്കം: നഗരസഭയുടെ കപ്പേളച്ചിറയിലെ ഡംപിംഗ് യാർഡില്‍ ആശുപത്രി മാലിന്യങ്ങളടക്കം കുന്നു കൂട്ടിയതിനെത്തുടർന്ന് ദുർഗന്ധം വമിക്കുന്നതായി പരാതി.

ജൈവ-അജൈവ മാലിന്യങ്ങള്‍ ഡംപിംഗ് യാർഡില്‍ വാഹനങ്ങളില്‍ കൊണ്ടുവന്ന് കുന്നുകൂട്ടുന്നതല്ലാതെ തരംതിരിച്ച്‌ സംസ്കരിക്കുന്നില്ലെന്ന് പ്രദേശവാസികള്‍ ആരോപിക്കുന്നു.

ഡംപിംഗ് യാർഡിന്‍റെ സമീപത്തു താമസിക്കുന്ന നിർധന കുടുംബങ്ങള്‍ക്ക് ചീഞ്ഞഴുകുന്ന മാലിന്യങ്ങള്‍ ആരോഗ്യപ്രശ്നമുണ്ടാക്കുന്നുണ്ട്. മാലിന്യങ്ങള്‍

ഒഴുകിയിറങ്ങി സമീപത്തെ തോടുകളിലും കരിയാറിലും മലിനീകരണത്തിനുമിടയാക്കുന്നു.

പ്രദേശവാസികളുടെ ആരോഗ്യസംരക്ഷണത്തിനായി ആശുപത്രി മാലിന്യങ്ങളടക്കം നീക്കുന്നതിന് അധികൃതർ നടപടി സ്വീകരിക്കണമെന്ന് നാട്ടുകാർ ആവശ്യപ്പെട്ടു.